Sorsogon City BFP nagsagawa ng istriktong inspeksyon sa mga dormitoryo at paupahang tirahan sa lungsod

Mga tauhan ng City BFP habang ngasasagawa ng inspeksyon.

Ni FB Tumalad

LUNGSOD NG SORSOGON, Hunyo 6 (PIA) – Upang matiyak ang kaligtasan ng publiko lalo ang titira sa mga paupahang bahay sa lungsod ng Sorsogon, nagsagawa ng mahigit isang linggong inspeksyon ang mga tauhan ng Sorsogon City Bureau of Fire Protection sa mga paupahang silid o boarding houses na malapit sa malalaking paaralan sa lungsod.

Ayon kay City Fire Marshal CInsp Walter B. Marcial, sinimulan nila noon pang Mayo 20, 2013 ang pag-iinspeksyon. Aniya, bago nila isinagawa ang pagsusuri sa posibleng mga depekto ng kuneksyon ng kuryente sa loob ng mga kabahayan ay pormal silang nakipag-ugnayan sa mga opisyal ng barangay.

Aniya, sa loob aniya ng pitong araw nilang pag-iinspeksyon sa mga establisimyento ay mayroong ilang mga paupahan ang nakita nilang nakasunod sa itinatakda ng Fire Code of the Philippines subalit  marami pa rin ang walang sapat na fire alarm, smoke detector at emergency light.

Ang smoke detector ay isang gadget na ikinakabit sa kisame sa alinmang bahagi ng paupahang bahay upang nagbibigay alarma sa oras na may usok o sunog at ang fire extinguisher naman ang siyang ginagamit bilang pang-apula ng sunog .

Base sa resulta ng inspeksyon ng Sorsogon City BFP, bukod sa nabanggit na kakulangan ay maramin ding nakitang depekto sa mga paupahang tirahan tulad ng walang maayos na fire exit o tamang lagusan na maaring takbuhan sakaling magkaroon ng sunog o emerhensya sa lugar.

Nagbigay na rin ng rekomendasyon ang BFP sa mga may –ari ng paupahang bahay na may paglabag sa Safety Standards at hiniling ang kooperasyon ng mga ito para sa kaligtasan ng lahat at maiwasan ang mga insidenteng may kaugnayan sa sunog.

Ang naturang aktibidad ay nakatuon sa pagsusulong kaligtasan ng mga ukopante partikular na ang mga estudyante na mananatili sa mga boarding house o dormitoryo ngayong pasukan.(FB Tumalad, PIA Sorsogon)

--------------------------------------------------------------------

SFO1 Dante D Ditan, C FSES led the team during the massive inspection of all boarding houses and dormitories within Sorsogon City.

Fire safety inspectors keenly inspect each establishment if it complies with the Implementing Rules and Regulations of R.A 9514 otherwise known as the Fire Code of the Philippines.