3rd Bicol Prosecutor’s Convention gaganapin sa Sorsogon

Ni: Bennie A. Recebido

LUNGSOD NG SORSOGON, May 7 (PIA) – Nakatakdang ganapin dito sa lalawigan ng Sorsogon ang ikatlong pagtitipon ng mga taga-usig o prosecutor sa buong rehiyon ng Bikol kung saan magiging panauhing pandangal si Department of Justice (DOJ) Secretary Leila De Lima sa nasabing pagtitipon.

Ayon kay Provincial Prosecutor Regina Coeli Gabito, ang Sorsogon ang siyang magiging punong-abala sa gagawing 3^rd Bicol Prosecutor’s Convention dito simula sa ika-9 hanggang ika-11 ng Mayo ngayong taon.

Ang tatlong araw na pagtitipon ay gaganapin sa Governor’s Training Hall, Capitol Compound, Sorsogon City at sa iba’t-iba pang mga istratehikong lugar sa lalawigan. Tatampukan ito ng mga paksang may kaugnayan sa social justice at nakatakda ring magsawa ng corporate planning ang mga taga-usig.

Imbitado din ang lahat ng mga media upang mag-cover sa aktibidad at upang makinig sa gagawing convention. Ayon kay Fiscal gabito, makikita dito kung paanong umakto ang mga taga-usig sa panahon ng paglilitis.

Inaasahan din ang pagdating ni National Prosecution Service Prosecutor General Hon. Claro M. Arellano ng DOJ, apat pang senior deputy state prosecutors ng DOJ at ni Regional Prosecutor Hon. Mary May B. De Leoz.

Ayon pa kay Fiscal Gabito sinamantala na rin nila ang pagkakataon upang maipakita at maipagmalaki na rin sa mga bisita ang mga produkto at mga kaugaliang pangturismo ng lalawigan. (BARecebido, PIA Sorsogon)