Ni: Bennie A. Recebido
LALAWIGAN NG SORSOGON, May 8 (PIA) – Patay
and tatlong miyembro ng mga rebeldeng New Peoples Army (NPA) matapos na
mapa-engkwentro ang mga teroristang rebelde sa mga sundalo ng Bravo Company ng
31st Infantry (CHARGE) Battalion sa pangunguna ni 1Lt Randell R.
Wandag (OS) PA, na nakabase sa Bayasong, Pilar, Sorsogon kaninang alas 5:41 ng
umaga.
Ayon kay LTC Teody Toribio, pinuno ng 31st
Infantry Battalion na nakabase sa Brgy. Rangas, Juban, Sorsogon, kaagad silang nagpadala
ng mga sundalo sa lugar dahil sa ulat ng mga sibilyan hinggil sa aktibidad ng
mga NPA doon, at habang nagsasagawa ng security patrol ang mga kasundaluhan ay
napa-engkwentro ito sa mahigit-kumulang sa labin-limang (15) mga miyembro ng
Front Committee 80 KOMPROB Sorsogon ng teroristang NPA.
Wala umanong naiulat na nasugatan sa panig
ng pamahalaan habang patuloy pang inaalam ng mga awtoridad ang pagkakakilanlan
ng mga nasawing rebelde. Nagpadala din ang kapulisan ng grupo ng Scene of the
Crime Operatives (SOCO) sa pinangyarihan ng insidente.
Narekober sa lugar ng engkwentro ang isang
(1) M16 rifle, isang (1) .99mm pistol, tatlong (3) mahahabang magazine ng M16
na may bala, dalawang (2) maikling magazine ng M16 na may bala, limang (5) back
pack ng personal na mga kagamitan at mahahalagang subersibong dokumento.
Ang Brgy. Pinamanaan ay matatagpuan sa
distansyang labingsiyam (19) na kilometro mula sa sentro ng Donsol, Sorsogon at
mas madaling nararating sa pamamagitan ng motorsiklo dahilan sa kawalan pa ng
maayos na transportasyon doon at sa pagiging liblib ng lugar.
Samantala, sa ipinalabas naman na statement
ng Public Affairs Office ng 9ID, PA sa naganap na pangyayari, inihayag ng
Hukbong Sandatahan ng Pilipinas ang kanilang pagkalungkot sa pagkamatay ng
anila’y mga nalihis ng landas na mga Pilipinong ito.
Nanawagan din sila sa publiko na patuloy na
makiisa sa kanila sa pagkumbinsi sa mga rebelde na isuko na ang kanilang mga
armas, sumuko sa pamahalaan at mamuhay na ng mapayapa. (BARecebido)
No comments:
Post a Comment