Ni: Bennie A. Recebido
LUNGSOD NG SORSOGON, Hulyo 4 (PIA) – Panauhing
pandangal ngayong araw sa gagawing Turn-over Ceremony ng mga proyekto ng Payapa
at Masaganang Pamayanan (PAMANA) sa lalawigan ng Sorsogon si Presidential
Adviser on the Peace Process Secretary Teresita Quintos Deles.
Ang nasabing mga proyekto ng PAMANA ay
ipinatupad noong nakaraang taon sa halos ay pitong mga bayan dito sa lalawigan
ng Sorsogon.
Nakatakda ring magbigay ng mensahe si
Kalihim Deles kaugnay ng tagumpay ng mga ipinatupad na proyekto ng PAMANA sa
Sorsogon at iba pang mga usaping ay kaugnayan sa pagpapatupad ng programa ng
PAMANA. Kasama din ng kalihim si OPAPP Asst. Sec. Romulo D. Halabaso.
Sa programang ipinadala sa PIA Sorsogon ng
tanggapan ni Gov. Raul R. Lee, gobernador ng Sorsogon, isang simple at maikling
programa ang gaganapin sa Sorsogon Provincial Gymnasium kung saan naroroon ang
mga akalde ng iba’t-ibang munisipyo sa Sorsogon.
Si Gov. Lee ang siyang magbibigay ng
welcome remarks habang nakatakda ring magbigay ng mensahe sina Regional
Director Blandino Maceda ng Department of Interior and Local Government Bicol,
Commanding Officer Col. Felix Castro, Jr. ng 903rd Infantry Brigade
ng Philippine Army at Kinatawan ng unang distrito ng Sorsogon Congressman
Salvador H. Escudero III.
Naatasan namang ipakilala ni Assistant
Provincial Agriculturist Maria Teresa V. Destura si Kalihim Deles.
Mula naman sa mga munisipyong benepisyaryo
ng proyekto, ilalahad ng kani-kanilang mga alkalde ang natapos nang proyekto ng
PAMANA sa kailang lugar. Matapos ang paglalahad ay gagawin na ang turn-over
ceremony at pagtanggap ng mga proyekto ng mga Municipal – LGU at mga
benepisyaryo nito.
Si Congressman Deogracias B. Ramos, kinatawan
ng ikalawang distrito ng Sorsogon ang magbibigay ng pangwakas na pananalita.
Magkakaroon din ng project site turn-over
sa bayan ng Juban, Sorsogon para sa pagpapasemento ng Tublijon-Sipaya Road. (BARecebido,
PIA Sorsogon)
No comments:
Post a Comment