Sorsogon PNP nakikiisa sa selebrasyon ng Semana Santa

Ni:  Bennie A. Recebido

Sorsogon City, April 15 (PIA) – Nakikiisa ang Sorsogon Police Provincial Office sa mga katoliko sa paggunita sa pagpapakasakit, pagkamatay at muling pagkabuhay ni Jesukristo ngayong Semana Santa kung kaya’t mahigpit nilang ipinatutupad ang mga hakbanging makapagpapanitili ng solemnidad nito.

Sa isang press statement, sinabi ni PNP Sorsogon Police Provincial Director PSSupt. Heriberto Olitoquit na inaasahan na nila ang muling pagdagsa ng mga turista at bakasyunistng dadayo sa Sorsogon kaugnay ng summer season, Semana Santa, pagbisita sa mga kamag-anak at kaibigan at sa selebrasyon ng mga school at family reunions.

Kaugnay nito, mahigpit nilang ipinatutupad ang kanilang “Oplan SUMVAC 2011” na nagbibigay seguridad sa mga byahero at motoristang pupunta dito sa Sorsogon.

Makikita din ang mga pulis sa mga tourist destinations at ang police motorist assistance center na nakalagay sa mga terminal ng bus at jeepney, pantalan, maharlika highway at iba pang mga pangunahing kalsada sa mga munisipyo at lungsod ng lalawigan.

ipinaabot din ni PD Olitoquit sa mga turista at bakasyunista na agad na ireport sa kanilang tanggapan o sa pinakamalapit na mga police stations sakaling makaranas ng mga pananamantala o di kaya’y mabiktima ng mga masasamang elemento habang naririto sila sa lalawigan ng Sorsogon. (PIA Sorsogon/SPPO)

12% E-VAT sa mga surcharges ng SORECO II inalis na

Ni: Bennie A. Recebido

Sorsogon City, April 14 (PIA) – Malaking tulong sa mga kunsumidor ng Sorsogon II Electric Cooperative ang pagkakaalis ng Expanded Value Added Tax (EVAT) sa system loss, distribution charge, supply charge, metering charge at lifeline charge sa kanilang mga electric bills.

Ayon sa pamunuan ng Soreco II, nagresulta ito sa pagbaba ng mga bayarin sa electrical consumption ng mga kunsumidor simula noong Jabuary 2011 billing period.

Sa buong rehiyon ng Bikol, tanging ang Soreco II lamang ang electric cooperative na binigyan ng pamahalaan sa pamamagitan ng Bureau of Internal Revenue ng tax exemption certificate.

Alinsunod sa RA 9520 o ang Philippine Cooperative Code of 2008, ang mga electric cooperative na rehistrado sa Cooperative Development Authority (CDA) ay exempted sa mga buwis na nakasaad sa nasabing Republic Act.

Sinabi ni Soreco II Member Services Department head Marie Escobedo na ang tax exemption ay nakuha ng Soreco II dahilan sa matagumpay na pagpupursige ng Association of Philippine Electric Cooperative (APEC), ang partylist ng mga electric cooperatives na rehistrado sa CDA, at ng mga opisyal ng CDA-registered cooperatives tulad ng Soreco II na maipasa sa kongreso ang tax exemption na nagresulta sa pagkakaalis ng EVAT sa nabanggit na mga surcharges.

Sa isangdaan labingsiyam na electric cooperatives sa bansa, labing-apat lamang ang naka-avail ng tax exemption.

Inihayag din ng pamunuan ng Soreco II na simula 2011 ay hindi na tatawaging member-consumer ang mga kunsumidor ng Soreco II kundi member-consumer-owners (MCO). (PIA Sorsogon)

Dolphin naistranded sa bayan ng Gubat

Ni: Bennie A. Recebido

Sorsogon City, April 14 (PIA) – Isang babaeng dolphin na kabilang sa ‘blackfish’ specie o mas kilala sa tawag na False Killer Whale at may scientific name na Pseudorca crassidens ang nahuli ng mga mangingisda noong Martes, April 12, sa mabakawang bahagi ng barangay Bagacay sa bayan ng Gubat, Sorsogon.

Ayon sa ulat na nakarating sa Provincial Veterinary Office, isang grupo ng mga mangingisda ang nakakita sa dolphin bandang alas dos ng hapon sa lugar kaya’t agad nila diumano itong iniligtas upang maibalik sa dagat subalit nahirapan silang pasunurin ito kung kaya’t agad na nilang iniulat ito sa Municipal Agriculturist ng Gubat at sa Bureau of Fisheries and Aquatic Resources.

Agad din namang humingi ng tulong ang BFAR kay provincial veterinarian Dr. Enrique Espiritu upang masuri ang dolphin subalit namatay na ito isang oras bago pa man dumating ang Provincial Marine Mammal Stranding Response Team.

Sinuri pa rin ang dolphin at kinuhanan ng tissue samples upang matiyak ang tunay na dahilan ng pagkamatay nito. Matapos kuhanan ng sample ay sinunog at inilibing na agad ang katawan nito.

Ayon kay Dr. Espiritu ang ganoong uri ng false killer whale ay bibihira lamang makita sa Pilipinas.

Muli namang nanawagan sa publiko si Dr. Espiritu na sundin ang tamang protocol at batas ukol sa pangangalaga at paghawak sa mga stranded marine mammals. (PIA Sorsogon)

JUBAN MAYOR JIMMY FRAGATA, KEEN ON PROMOTING ECO-TOURISM IN HIS DISASTER-RAVAGED TOWN

News Release

Juban, Sorsogon - Mayor Jimmy Fragata has a typical routine of touring his visitors with his notable data presentations of calamity episodes, but particularly accentuates on eco-tourism advancing Juban town, not as a municipality well-known for disasters.

In an exclusive interview, the town’s mayor articulated not only on the imperative backing wishes of his townsfolk who suffered the rage of Mount Bulusan and the intense rains from late December 2010 to January this year, which submerged more than a few barangays in Juban, Sorsogon.

The Sangguniang Bayan collectively approved Resolution Number 51 declaring the Municipality of Juban under a state of calamity on December 30, 2010 attributable to the upshots of severe rain, flashflood, landslide and lahar intimidations brought about by the volcanic activity.

The decree correspondingly stated that the Local Government Unit of the aforesaid town deemed it necessary to take measures with the purpose of evacuating the residents in distress; allocate relief assistance for internally displaced persons (IDP’s), and the local officials considered the legal course of action to release the needed budget from the LGU’s calamity fund.

Mayor Fragata also stated that agriculture is one of their sources of revenue and declaring a state of calamity continually sustains the predicament among farmers in his disaster-ravaged town.

In his classic documentations - Fragata, also a certified geologist, described Juban as a 4^th class rural community with a populace of 30 thousand plus residing in 8 coastal and 17 upland barangays situated within the caldera of the 4^th most active volcano in the Philippines; in addition are chronologically comprehensive volcanic eruption statistics and the impacts of ash ejection from November 6 of last year’s to February 21 this year and on which he said in jest, “nice to see, but dangerous”; damage scenarios of barangays located inside the 4 kilometer permanent danger zone (PDZ); as well as the municipal effect of excessive rains (ITCZ) beginning December of 2010, and at the moment’s risk for 13 barangays close to the Cadac-an River which is the catch basin of water overload coming from Juban and the adjacent town of Irosin’s watercourses.

But, the town’s mayor remained optimistic and alongside his visual presentations are constant scenic images of Juban’s innate prospective.

Besides historical relics akin to the Bicol translation of Mi Ultimo Adios (Huring Paaram) by Governor Jose Figueroa and the Gorospe, Guarin, Olondriz, Alindogan and Lasala heritage homes (Bahay Bato Old Houses) - Mayor Jimmy Fragata at the moment prides himself on the quiet island of Sablayan (barangay Sablayan), which is a 20-minute boat ride from barangay Tinago, Juban.

Isla Sablayan is a land mass down Sorsogon Bay which faces the China Sea, with a total population of 958 counting on fishing and copra as their foremost source of income.

The picturesque islet is a haven for marine life and an ultimate destination for nature aficionados who fancy the solitude of a remote vacation.

On top of these, Mayor Fragata said that he wants the public to keep in mind that his town is “a place to go” because of its very promising eco-tourist destinations. (Von Labalan-PIO/PIA)

Local media sa Sorsogon muling nagtipon-tipon

Ni: Bennie A. Recebido

Sorsogon City, April 13 (PIA) – Muling tinipon ng Philippine Information Agency Sorsogon ang mga kasapi ng local tri-media dito sa Sorsogon upang malayang mapag-usapan ang mga saloobin nito at makabuo ng mga tamang alituntunin sa pagtalakay sa mga isyung makakatulong sa pgsusulong ng lalawigan ng Sorsogon.

Sa isinagawang ‘Kapihan sa PIA’, naging mga tagapagsalita sina Mark Paras, Jr., publisher ng Sorsogon Today at Dr. Higino Ables, former UP chancellor – College of Developmental Communication at moderator naman si Information Center Manager Irma Guhit.

Labimpitong media practitioner ang dumalo sa nasabing Kapihan kung saan malayang nailabas ng mga ito ang kanilang mga saloobin, siya nang suliranin, prinsipyo at mga rekomendasyong mahalaga upang magkaroon ng tamang direksyon partikular sa pagtalakay sa mga isyung magdadala ng pag-unlad hindi lamang sa mga kasapi ng media kundi maging sa pag-unlad din ng lalawigan.

Ayon kay Paras, ang mga naroroong media ang siya nang papalit sa kanilang henerasyon kung kaya’t dapat lamang na alam nito ang mga mahahalagang sangkap sa tamang pagsusulat at pagsasaere ng mga isyung tinatalakay at balitang ipinalalabas nito.

Dapat din aniyang iwasan ang mga hindi pagkakaunawaan sapagkat nagdadala ito ng pangit na imahe sa publiko.

Ayon naman kay Ables, magandang narerepaso ang mga basic journalism techniques at sa kalaunan ay inaasahan nilang mas mapapalalim pa ito upang maihanay din ang mga local media dito bilang isa sa mga pinagpipitagang mga mamamahayag sa bansa.

Samantala, nagbigay naman ng positibong suhestyon ang mga local media at sinabing hindi dapat na magtapos sa isang araw lamang ang Kapihan. Naghayag din ang mga ito ng kagustuhang mas matutunan pa ang mga pamamaraan sa tamang pagtalakay sa mga isyung makabuluhan at magsusulong sa kaunlaran ng lalawigan. (PIA Sorsogon)