Suporta ng komunidad kailangan sa pagsugpo sa child labor

Ni: Bennie A. Recebido

LUNGSOD NG SORSOGON, January 13 (PIA) – Mahigpit pa rin ang kampanya ng lokal na pamahalaan ng Sorsogon at ng mga ahensya ng pamahalaang nasyunal ukol sa sapilitang pagpapatrabaho sa mga menor de edad sa halip na mag-aral sa mga paaaralan.

Sa isang pagpupulong kamakailan dito ng mga kasapi ng Sorsogon Provincial Inter-Agency Anti-Child Labor  Committee – Sagip  Batang Manggagawa Quick  Action Team, binigyang-diin  na maliban sa mga pagsisikap ng bawat ahensya ng pamahalaan, kritikal din ang suportang ibibigay ng komunidad sa tuluyang pagsugpo sa child labor.

Pinuri din ang ginagawang hakbang ng pamahalaang nasyunal partikular ang Pantawid Pamilyang Pilipino Program upang matulungan ang bawat pamilyang Pilipino na magkaroon ng kahit papaano’y dienteng uri ng pamumuhay upang mapigilan ang mga magulang na sapilitang pagtrabahuhin ang kanilang mga anak.

Ayon naman sa Department of Labor and Employment (DoLE) pinakamalalang uri ng child labor ay ang child prostitution habang ang ilan pa ay ang pagtatrabaho ng mga kabataang nasa murang edad sa agrikultura, pagsisid o pangingisda sa malalalim na karagatan at pagtatrabaho sa mga minahan.

Sa ilalim naman ng Philippine Program Against Child Labor, hangad nitong mapababa kung di man tuluyang masugpo ang insidente ng child labor sa taong 2016.

Batay sa tala ng NSO noong 2001, apat na milyong mga bata ang nasasadlak sa child labor habang nasa 2.4 milyon naman ang lantad sa mapanganib na kapaligiran. (PIA Sorsogon)

‘No Proportionate Pension Policy’ ng GSIS binigyang-linaw

Ni: Bennie A. Recebido

LUNGSOD NG SORSOGON, January 13 (PIA) – Nilinaw ng pamunuan ng Government Service Insurance System (GSIS) ang katanungan ng ilang mga retirado nang kasapi ng GSIS ukol sa natatanggap nilang sulat mula sa GSIS kaugnay ng “No Proportionate Pension Policy” nito.

Ayon kay GSIS Staff Officer III Raymund Fiecas, hindi dapat na mabahala ang mga ito ukol sa katotohanan ng mga ipinadalang sulat sa kanila ng GSIS na nag-aanunsyo ukol sa pag-amyenda ng GSIS sa kanilang “No Proportionate Pension Policy”.

Aniya, lahat ng mga kasapi ay pinadalhan ng sulat nang sa gayon ay personal nilang mabasa at maunawaan ang impromasyong nais maiparating sa kanila ng GSIS.

Alinsunod sa pagkaka-amyenda, ang mga pension ay kukwentahin mula sa araw ng kanilang naaprubahang pagretiro o limang taon matapos magretiro para sa limang taong kabuuang benepisyo (lumpsum benefit).

Para naman umano sa mga tumiwalag na sa tungkulin subalit nakapagbigay ng serbisyo sa pamahalaan ng labinlimang taon ngunit mas mababa sa animnapu ang edad sa araw ng kanilang pagtiwalag sa tungkulin, ang bilang ng araw na gagawing basehan sa pagkwenta ng kanilang proportionate pension ay mula sa kanilang ika-animnapung kaarawan hanggang sa huling araw ng buwan kung kailan ipinanganak ang tumiwalag na miyembro.

Malinaw umanong nakasaad sa sulat sa mga pensioner ang eksaktong halaga ng makukuha nilang benepisyo ayon na rin sa patakaran ng bagong atas at naideposito na ito ng GSIS simula pa noong ika-walo hanggang ika-labinglima ng Disyembre 2011 sa kani-kanilang Union Bank o Landbank account at maaaring kubrahin anumang araw matapos ang nasabing mga petsa sa pinakamalapit na Union Bank o Landbank ATM o iba pang mga ATM na nasa ilalim ng Megalink, Bancnet o Expressnet network.

Subalit sa karanasan ng ilang mga nagreklamong retiradong kasapi, hindi nila umano ito nakitang pumasok sa kanilang mga account.

Pahayag naman ni Fiecas na ang adjustment ay maaaring hindi nila napansin noong gumawa sila ng transaksyon sa bangko subalit maaari umano nila itong malaman sa pamamagitan ng paghingi sa bangko ng kanilang certificate of transaction, deposit o withdrawal.

Inihayag din ni Fiecas na bukas ang tanggapan ng GSIS sa sinumang may mga katanunagn o nais linawin sapagkat pangunahing hangad umano ng GSIS na patuloy na maging mapagkakatiwalaang partner hindi lamang ng mga aktibong kasapi kundi maging ng mga retiradong kasapi pagdating sa ngalan ng social security. (FBTumalad/BAR, PIA Sorsogon)

DENR NAGPATANID LIWAT SA MGA GOBYERNO LOKAL NA PAG-ADALAN AN MGA GEOHAZARD MAPS

LEGAZPI CITY, JANUARY 12 – NAGPATANID GIRARAY AN DEPARTMENT OF ENVIRONMENT AND NATURAL RESOURCES (D-E-N-R) BICOL SA MGA GOBYERNO LOKAL NA PAG-ADALAN NIN MARHAY AN MGA GEOLOGICAL HAZARD O GEOHAZARD MAPS NA ITINAONG KWENTA SAINDA KAN AHENSYA TANGANING MAARAMAN AN MGA LUGAR NA LABI KADELIKADO SA PELIGRO KAN PAGTIRIS NIN DAGA O PAGBAHA.

AN TINAWAN NIN DOON NI D-E-N-R REGIONAL EXECUTIVE DIRECTOR JOSELIN MARCUS FRAGADA IYO AN PINAKAHURING INSIDENTE PAGRASAY NIN DAGA SA PANTUKAN, COMPOSTELA VALLEY KON SAEN KADAKUL AN NAGADAN BUDA NAGKAWARARA MATAPOS MATAMBUNAN KAN NAGRUMPAHOG NA KABUBULDAN.

SINABI NI DIRECTOR FRAGADA NA MANTANG NAITAONG KWENTA NAMAN KAN D-E-N-R SA MGA GOBYERNO LOCAL AN MGA GEOHAZARD MAPS AN MGA HEPE EHEKUTIBO DANGAN KOMUNIDAD AN MAY RESPONSABILIDAD NA PAG-ADALAN AN MAPA DESPUES MAG-ANDAM KON IN KASO SAKOBON NIN KATIBAADAN.

SEGON PA SA DIRECTOR DAHILAN TA MAY NAGKAKAPIRANG MGA SMALL SCALE NA MINAHAN SA KABIKOLAN, KAIPUHAN OROG PANG MAG-ANDAM AN PUBLIKO TANGANING MALIKAYAN AN AROG KAN NANGYARI SA PANTUKAN NA KON SAEN NAHOROS AN KABUBULDAN NA DULONG PINALUYA KAN MGA TALTAG NA MINA SA LUGAR.

TINAWAN NIN PALIWANAG NI DIRECTOR FRAGADA NA DULOT KAN MGA SIRING NA PANGYARI PIGBUBUSOL NAMAN KAN DEPARTAMENTO AN PAGREPASO O PAG-AMINEDAR SA MINING ACT KON SAEN POSIBLENG RENDAHAN AN PAGTATAO NIN MGA PERMISO SA MGA SMALL SCALE NA MINAHAN.

ENOT KAINI, NANGAPUDAN SI ENVIRONMENT SEC. RAMON PAJE SA MGA GOBYERNO LOCAL NA TONONGON NA AN PAGPAPALUWAS NIN PERMISO SA MGA SMALL SCALE NA MINAHAN DAHILAN TA AN AHENSYA DAE NUNGCA NAGTATAO NIN ENVIRONMENTAL COMPLIANCE CERTIFICATE O E-C-C SA MGA INI.

SA LINDONG KAN LEYE SA PAGMIMINA, AN MGA GOBYERNO LOCAL AN MAY HURISDIKSYON SA PAGTATAO NIN PERMISO SA SMALL SCALE MINING MANTANG AN D-E-N-R SA PAAGI KAN MINES AND GEOSCIENCES BUREAU O M-G-B DANGAN ENVIRONMENTAL MANAGEMENT BUREAU O E-M-B AN MINASERBE SANANG TAGA MONITOR KUN NAG-OOTOB SA MGA IPINAPASUNOD KAN LEYE AN NAUNAMBITANG MGA MINAHAN. (DENR V/PIA SORSOGON)

Gubat town conducts essential health workers training for mothers and baby care program

By Irma A. Guhit

SORSOGON CITY, January 12 (PIA)…… A three day essential health training for health workers focused on the implementation of the Millennium Development Goal (MDG) No. 4, to eradicate maternal and infant mortality, is now on going at the local government of Gubat through the assistance of the congressional office of 2^nd district representative Deogracias B. Ramos.

According to Dr. Carmen Ramos Bonoan, the need to capacitate health workers especially in the proper care of pregnant and lactating mothers is a must since this is one of the most vulnerable group needing health care attention based on report of maternal and infant mortality status nationwide.

A group of physicians and lecturers coming from the University of the Philippines headed by Dr. Maria Asuncion is now the one conducting the training.

Congressman Ramos through the report provided by health implementers in the second district assessed the situation that there is indeed a need to provide a continuous capacity enhancement to health workers starting from the barangay health centers, municipal and district hospital personnel so that collegial support system in the implementation of the MDG No. 4 be achieved.

According to congressman Ramos, aside from the enabling of health workers the barangay health centers, municipal and district hospitals will also be upgraded in terms of facilities and other equipments together with provision of information education materials, fliers and brochures specifically on the maternal and infant health care implementation.

Funding for the procurement of health equipments will be provided coming from the office of congressman Ramos.

It was also learned that the one of the flagship programs being provided substantive funding allocation from the office of congressman Ramos is the strengthening of health development mechanisms, environmental protection and conservation, tourism and infrastructure development.

It is expected that the three-day training program will provide the health workers particularly in the second district the needed skills and knowledge in the assistance and support of the implementation of the MD goal no. 4.(PIA-SORSOGON)

K+12 program mula Grade 1 hanggang Grade 7 ipatutupad na ngayong taon

Ni: Bennie A. Recebido

LUNGSOD NG SORSOGON, January 12 (PIA) – Inihayag ni Department of Education (Deped) Bacon District Division Head Leon Gaon na ipatutupad na ngayong taon ang bagong kurikulum ng Deped na K+12 mula sa Grade 1 hanggang Grade 7 o unang taon sa hayskul.

Aniya madadagdagan na ng dalawang taon ang basic education curriculum sa bansa subalit hindi umano ito dapat na ikalungkot ng mga magulang at mag-aaral sapagkat kung titingnan sa positibong perspektibo, mas mapapataas pa ng programang K+12 ang antas ng kalidad ng mga mag-aaral at ng basic education sa bansa.

Ipinaliwanang niyang ang dalawang taong madadagdag sa pag-aaral ay matapos ang apat na taong programa sa hayskul kung saan tatawagin itong senior high school.

Sa pamamagitan umano ng programang ito ay makakasabay na ang mga mag-aaral sa Pilipinas sa ibang bansa sa Asya na may kahalintulad na kurikulum. Kadalasan umanong nagiging hadlang sa paghahanap ng maayos na trabaho sa ibang bansa ng mga Pilipino ang kakulangan sa bilang ng taon ng pag-aaral sa basic education.

Isa din umano sa magandang adhikain ng programa ang matugunan ang suliranin sa mataas na bilang ng mga bumibitiw sa kalagitnaan ng pag-aaral na karaniwang kawalan ng kaalaman ang idinadahilan sa dami ng pinag-aaralan at kawalan na rin ng interes.

Matatandaang sinimulan na noong nakaraang taon ang universal kindergarten program at ipatutupad naman sa 2016 ang Grade 11 o high school year 5 at Grade 12 o high school year 6 sa taong 2017. Nakatakdang magtapos ang unang batch ng mga mag-aaral sa ilalim ng K+12 program sa taong 2018.

Binigyang-diin din niya na idinisenyo din ang programa sa interes ng mga mag-aaral at makakapamili ito mula sa kanilang mga elective subject ayon sa interes nila kung saan pagkatapos ng hayskul ay maaari na nilang magamit upang makahanap ng mapagkakaitaan sakaling hindi na sila makakapagpatuloy pa ng pag-aaral sa kolehiyo. (PIA Sorsogon)

Awtoridad at mga network company nagbabala laban sa ilegal na mga SIM Card

Ni: Bennie A. Recebido

LUNGSOD NG SORSOGON, January 12 (PIA) – Pinag-iingat ang publiko laban sa mga pinagbebentahan ng SIM CARD na ginagamit sa mga cellular phones. Ito ang paalalang ibinigay ng isang telecom network card distributor dito sa Sorsogon.

Sa paalala, inihayag nitong dapat na mag-ingat ang publiko sa mga pinagbebentahan ng SIM card sapagkat maaari umanong ang mga ito ay gumagawa ng illegal bypass o international call re-selling.

Sila ay mga operators na gumagamit ng mga pre-paid SIM Card para makatawag ang mga nasa abroad dito sa Pilipinas nang hindin dumadaan sa legal na switching facilities ng mga licensed carriers o service providers.

Maging ang mga kinauukulan ay mahigpit ang panawagan na huwag pagbentahan ng mga SIM card ang mga nakikilalang bypass operators. Mas mainam umanong umiwas na lamang na madamay sa mga aksyong legal na maaaring gawin ng mga kinauukulan laban sa mga bypass operators.

Sakaling umanong makaenkwentro ng ganitong insidente ay makipagtulungan sa mga awtoridad na masugpo ito sa pamamagitan ng agarang pagreport sa tanggapan ng partikular na network provider na ginamit o sa pinakamalapit na pulisya.

Binigyang-diin din ng telecom network card distributor na dahil sa mga illegal bypass operators o international call re-selling ay maaaring bumababa ang kalidad ng mga tawag kapag dumadaan ito sa kanila. (BAR, PIA Sorsogon)