Kalihim ng DA bumisita sa Sorsogon; pondo at kagamitang pang-agrikultura ipinamahagi

Ni: Bennie A. Recebido

LUNGSOD NG SORSOGON, January 27 (PIA) – Matapos ang mahaba-habang paghihintay kahapon sa pagdating ni Department of Agriculture (DA) Secretary Proceso Alcala, nasulit naman ito lalo na nang maipamahagi na ng sekretaryo ang mga tseke, iskolarship at mga kagamitang pangsaka sa mga benepisyaryo nito sa Sorsogon.

Naroroon sa ginawang forum ang mga matataas na opisyal ng lalawigan sa pangunguna ni Sorsogon Governor Raul R. Lee, mga alkalde, hepe ng ilang mga piling ahensya ng pamahalaan at mga kinatawan ng Provincial Agriculture Office.

Tinampukan ang pagbisita ng pamamahagi ng mga tseke at Agricultural Comprehensive Enhancement Fund (ACEF) sa mga aydentipikadong mga farmer beneficiaries at iba pang tulong sa pagsusulong ng agrikultura sa lalawigan sa kabuuang 200 mga benepisyaryo mula sa sektor ng magsasaka, mangingisda at mga irrigator sa ilalim ng programang “Agrikultura: Kaagapay ng Bayang Pinoy” (AKBAY) ng DA.

Ang Sorsogon ay isa sa mga napiling benepisyaryo ng AKBAY at nabigyan ng P2.09 milyong tulong sa pagpapatupad ng iba’t-ibang mga programa ng ahensyang nasa ilalim ng pagsubaybay ng DA.

Ang mga benepisyaryo ay masusing pinili at sumailalim sa balidasyon kung saan 30 magsasaka ang nakatanggap ng tulong sa pagsusulong ng abaka mula sa Fiber Development Authority (FIDA), 30 mga mangingisda mula sa Bureau of Fisheries and Aquatic Resources (BFAR), 40 mga cocoteros mula sa Philippine Coconut Authority (PCA), habang 100 naman mula sa National Irrigation Administration (NIA).

Sampung karagdagang benepisyaryo din ang nakatanggap ng sampung libong piso bawat isa para sa agri-business.

Ang programang AKBAY ay isa sa mga mekanismo ng pamahalaang nasyunal sa pagtugon sa kahirapan na ibinibigay sa mga aydentipikadong mga lalawigan sa pamamagitan ng tulong pangkabuhayan, trabaho at mga pagkakakitaan ng mga nasa sector ng sakahan. Layunin din nitong maitaas ang kapasidad ng mga mahihirap lalo na sa paggawa ng desisyong makakatulong sa kanilang pag-unlad.

Samantala, sa ginawa namang press conference, sinabi ni DA Secretary Alcala na dapat na mapagtuunan ng pansin ng mga lokal na opisyal ng pamahalaan ang agricultural land conversion sapagkat kung hindi maagapan, isa ito sa magiging dahilan sa pagkakaroon ng kakulangan ng suplay ng pagkain sa hinaharap.

Hinikayat din ang mga Sorsoganon na patuloy na magtanim hindi lamang ng palay kundi maging ng mga niyog lalo pa’t mayaman ang lupa ng Sorsogon pagdating sa pagpapatubo at pagpapalago ng ganitong mga uri ng produktong agrikultural. (PIA Sorsogon)

Sec. Pardo recognized as 2011 Outstanding Filipino

SORSOGON CITY, January 26 - The National Grid Corporation of the Philippines (NGCP) congratulates one of its Board Directors, Mr. Jose T. Pardo, for being one of the recipients of the 2011 The Outstanding Filipino (TOFIL) Award given by JCI Senate Philippines and The Insular Life Assurance, Co., Ltd.

The TOFIL Award is given to men and women, 41 years and above, who have significantly contributed to the welfare of the people and the country. Sec. Pardo is cited for his contributions to the business sector.

Pardo is honored for pioneering the franchising model and for being one of the earliest to push for Corporate Social Responsibility. He joins four others in receiving the TOFIL award. These are: Dr. Jesus P. Estanislao for Governance, Dr. Ramon Nery for Government/Public Service, Ms. Sylvia Pendon for Entrepreneurship and Dr. Emerlinda Roman for Education.

The former Secretary of the Department of Trade and Industry and the Department of Finance, Sec. Pardo holds key positions in various business entities. He currently serves as Chairman of Electronic Commerce Payment Network, Inc. (ECPay), OOCC General Construction Corp. and Philippine Savings Bank. He sits as Director of ZNN Radio Veritas, Bank of Commerce, San Miguel Pure Foods, Inc., JG Summit Holdings, Inc. and Bank of Commerce Investment Corporation. Sec. Pardo is also engaged in civic organizations such as the PCCI Council of Business Leaders, ECOP Council of Business Leaders, Foundation for Crime Prevention, Assumption (Antipolo), and De La Salle University (Canlubang).

JCI Senate Philippines is an organization of a select group of Junior Chamber International (JCI) members who have been awarded lifetime membership as JCI Senators in recognition of their contributions to JCI.

The Insular Life Assurance Co., Ltd. is the first and largest Filipino life insurance company. Its subsidiaries provide general insurance, health maintenance and investment services. (NGCP News/PIA Sorsogon)

NGCP Board of Director and The Outstanding Filipino (TOFIL) Awardee for 2011, Jose T. Pardo

Implementasyon ng ‘total log ban’ nilinaw

Ni: Bennie A. Recebido

LUNGSOD NG SORSOGON, January 26 (PIA) –Nilinaw ni Community Environment and Natural Resources Office (CENRO) Officer In-Charge Forester Crisanta Marlene Rodriguez na walang ipinatutupad na total log ban ang pamahalaan sa ilalim ng administrasyon ni Pangulong Benigno Aquino III.

Ayon kay Rodriguez, alinsunod sa Executive Order (EO) 23 o ang “Moratorium on the Cutting of Trees and Harvesting of Timber in the Natural and Residual Forests” na ipinalabas ni Pangulong Aquino, totoong bawal magputol ng mga kahoy doon sa tinatawag na natural at residual forest, subalit may kalakip umanong exemption ang EO kung kaya’t hindi ito matatawag na ‘total log ban’.

Kabilang sa mga exemption ang mga sumusunod: kung may proyekto ang pamahalaan partikular ang mga tinatawag na ‘road right of way’; kung may proyekto para sa paglinang ng renewable energy; paggawa ng mga linya ng komunikasyon, transmission line; kung may aprubadong Environmental Protection and Enhancement Program (EPEP) para sa operasyon ng pagmimina; iba pang mga prayoridad na proyekto ng pamahalaan; at kung sakaling ang mga punong puputulin ay kunsideradong “hazardous” o nagbibigay na ng panganib sa buhay at ari-arian ng isang tao.

Inamin din ni Rodriguez na sa kabila ng kampanya ng pamahalaan laban sa illegal na pagpuputol ng kahoy ay marami pa ring nakakalusot, patunay ang listahan ng mga awtoridad ng mga nadadakip na lumalabag dito.

Subalit, naghayag ang opisyal ng kasiyahan at binigyan niya ng komendasyon ang tulungang pagsisikap ng mga kapartner nila sa pagpapatupad ng batas sa pagpuputol ng kahoy tulad ng mga kapulisan at mga local government units (LGUs).

Samantala, tiniyak ni Rodriguez na magpapatuloy ang Department of Environment and Natural Resources – CENRO sa pagdakip sa mga lumalabag sa batas sa pagputol ng kahoy at pagtugon sa mga natatanggap nilang tip mula sa mga lokal na residente at sa may mga pagmamahal sa kalikasan nang sa gayon ay tuluyang masugpo ang ganitong mga illegal na aktibidad at maisalba ang kalikasan laban sa tuluyang pagkasira nito na siya naman talagang pinakalayunin ng DENR.

Dagdag pa ng opisyal na may aktibong Multi-Forest Protection Committee ang rehiyon ng Bikol at maging dito sa Sorsogon ay aktibo din ang binuong task force ni Governor Raul R. Lee. Maging ang mga LGU sa lalawigan ay may kani-kaniya na ring mga task force committee na katuwang ng DENR sa pagkamit sa layunin nito. (PIA Sorsogon)

Target sa pagtukoy at paggamot sa mga may sakit na TB naabot; TB awareness campaign dapat pa ring paigtingin

Ni: Bennie A. Recebido

LUNGSOD NG SORSOGON, January 26 (PIA) – Isa ang tuberculosis (TB) sa mga sakit na hanggang sa ngayon ay pangunahin pa ring sanhi ng kamatayan hindi lamang sa Sorsogon kundi maging sa bansa.

Ayon sa Sorsogon Provincial Health Office (PHO), kung hindi maaagapan ay patuloy na makakasama sa listahan ng mga nakamamatay na sakit ng mga Sorsoganon ang TB kung kaya’t  mahigpit ang panawagan ng PHO na magtulungan ang bawat isa nang sa gayon ay mapigilan kung di man tuluyan nang masugpo ang pagkalat ng sakit na ito.

Sa datos na ipinalabas ng PHO mula noong 2006 hanggang 2010, lumalabas na patuloy na tumataas ang Case Detection Rate(CDR) sa buong lalawigan ng Sorsogon kung saan noong 2006 ay 17 lang ang natukoy, 98 noong 2007, 96 noong 2008, 101 noong 2009 at 104 noong 2010.

Ang nasabing datos ay lagpas pa rin sa 75 porsyentong target na CDR ng PHO. Ang mataas na bilang ng mga kasong natutukoy ay isa umanong magandang indikasyon sapagkat dahil dito, malaki ang posibilidad na masugpo ang patuloy pa na pagkalat ng nakahahawang sakit na ito sapagkat tukoy na kung sino ang mga dapat na gamutin.

Samantala, sa lungsod ng Sorsogon, sa unang semestre pa lamang ng 2011 ay nakapagtukoy na ang TB Task Force ng 57 na kaso o katumbas ng 111.77% kumpara sa target nilang 51 kataong may sakit na TB para sa buong taon.

Tinukoy ang mga lugar ng Sampaloc, Balogo, Gatbo, Bulabog, Macabog at Sirangan bilang mga consistent barangay na may mga pasyente ng TB. Kadalasan umanong ang mga natatamaan nito ay yaong mga nasa productive age o may edad mula 24 hanggang 50 taon, babae man o lalaki.

Sa bahagi naman ng mga nagamot na (cure rate) mula noong 2006 hanggang 2010, lumalabas na naabot ng mga awtoridad ang 85 porsyentong target nila kung saan 88 kaso ng TB ang nagamot noong  2006, 84 noong 2007 at 85 na kaso ng TB ang mga nagamot naman taon-taon mula 2008 hanggang 2010.

Sa cure rate, mahirap umanong maabot ang 100% sapagkat may mga iba pa ring ayaw magpagamot at namatay na lamang, habang ang iba ay nasa proseso pa rin ng gamutan at hindi maglalaon ay tuluyan na itong makakawala sa sakit na TB.

Sa kasalukuyan, halos ay 77 porsyento na ng mga Barangay Health Worker (BHW) sa lungsod ang naisailalim na sa mga kaukulang pagsasanay sa paghawak sa mga kaso ng TB sa kani-kanilang mga nasasakupang barangay.

Ayon naman kay kalihim ng Sorsogon City TB Task Force, Azulina Marbella sa isinagawang pagpupulong kamakailan dito, mababa ang bilang ng mga TB Classes at House to House TB Awareness kung kaya’t dapat na mapalakas pa ito.

Aniya, sa 90,000 na populasyon ng Sorsogon City, 1,505 na mga indibidwal pa lamang na TB classes ang nailahok sa mga TB classes ng TB Task Force.

Dapat din umanong mapaigting pa ang House to House TB Awareness o ‘Dalaw Aral sa TB’ lalo na’t lumalabas sa kanilang tala na sa 11,250 na mga kabahayan sa lungsod na may tinatayang walong kasapi ng pamilya ay nasa 2,108 pa lamang ang nadalaw na mga kabahayan ng TB Task Force.

Nilinaw din ni Marbella na suporta lamang ang TB Task Force sa kampanya laban sa TB sapagkat ang tanging responsibilidad nito ay tukuyin ang mga residenteng maaaring may sakit na TB at i-refer ito sa mga kinauukulan upang magamot.

Binigyang-diin din niya na hindi lamang umano nakasalalay sa balikat ng mga TB Task Force o mga awtoridad sa kalusugan ang ikasusugpo ng sakit na Tuberculosis kundi sa tulungang pagsisikap ng mga opisyal ng kalusugan, opisyal sa komunidad, mga residente sa barangay at maging ng mismong mga may sakit o potensyal sa sakit na TB. (BARecebido, PIA Sorsogon)

Mga Action Oficer ng Municipal Disaster Risk Reduction and Management sa Sorsogon pinulong

Ni: Bennie A. Recebido

LUNGSOD NG SORSOGON, January 24 (PIA) –Bilang bahagi pa rin ng programa ng lalawigan ng Sorsogon ukol sa kahandaan sa iba’t-ibang mga uri ng kalamidad, pinulong ng Sangguniang Panlalawigan sa pangunguna ni Bise Gobernador ng Sorsogon Antonio H. Escudero ang mga action officer ng Municipal Disaster Risk Reduction Office sa buong lalawigan.

Aktibo ding dinaluhan ang nasabing pagpupulong ni Police Community Relations Officer Police Chief Inspector Martin Batacan bilang kinatawang ng Sorsogon Police Provincial Office.

Ayon kay Batacan, ang pulong na ginawa sa Sangguniang Panlalawigan Session Hall noong Huwebes, Enero 19, 2012, ay may layuning paigtingin ang kahandaan ng mga opisyal at ng mga mamamayan sa panahong may mga paparating na kalamidad sa lalawigan.

Aniya, tinalakay ni Dante Bonos, kinatawan ng Sorsogon Provincial Disaster Risk and Management Office ang mga plano at programa ng kanilang tanggapan tulad ng pagpapalakas pa ng kapasidad ng mga action officer at kasapi ng Provincial Disaster Risk Reduction Management Council (PDRRMC).

Ipinaliwanag naman ni Irosin Municipal DRRMC action officer Ediberto Elorza ang mga suliraning sa tuwina ay kinakaharap ng ng isang lugar matapos na hagupitin ng mga kalamidad partikular sa bahagi ng pagbangong muli ng kabuhayan ng mga naapektuhan.

Inihayag din ni Casiguran Municipal DRRMC action officer Salvador Jao ang kakulangan sa pinansyal at pagtutulungan sa oras na nagkakaroon ng kalamidad, subalit mariin namang pinuri nito ang mga kapulisan sa aktibong suportang ibinibigay nito sa kanila sa mga panahon ng kalamidad.

Buo naman ang tiwala ni Bise Gobernador Escudero na sa pagkakalatag ng mga isyu at suliraning kinakaharap ng mga action officer sa lalawigan, mabibigyang-pansin at tugon ito ng kanyang tanggapan sa pamamagitan ng pagpasa ng mga ordinansa ng konseho ng Sangguniang Panlalawigan na siyang magpapatibay pa sa kahandaan ng komunidad sa lalawigan ng Sorsogon. (PIA Sorsogon)

Pagbisita ng Presidential Sister sa Sorsogon nagbigay pag-asa sa mga guro at mag-aaral

Ni: Bennie A. Recebido

LUNGSOD NG SORSOGON, January 26 (PIA) – Nagbigay ng malaking kasiyahan at pag-asa sa mga guro at mag-aaral ang ginawang pagbisita ng Presidential Sister, Pinky Aquino-Abellada na siya ring chairman ng Aklat, Gabay, Aruga Tungo sa Pag-angat at Pag-asa (AGAPP) kasama ng ilan pang mga opisyal nito.

Ito ay matapos na tuluyan nang maipamahagi ang walong mga silid-aralan sa apat na mga piling munisipalidad sa lalawigan ng Sorsogon noong Huwebes, Enero 19, 2012.

Ang mga mapapalad na nabiyayaan ng dalawang kwartong mga bagong silid-aralan ng AGAPP ay ang Pilar Central Elementary School sa bayan ng Pilar, Donsol West Central School sa bayan ng Donsol,San Francisco Elementary School sa bayan ng Bulan at ang Manjumlad Elementary School sa bayan ng Matnog.

Ayon kay Abellada, layunin ng kanilang organisasyon na makapagtayo ng isangdaangmga silid-aralan kasama na ang mga silid-aklatan para sa mga pre-schooler sa unang taon ng paninilbihan ng Pangulong Benigno Simeon C. Aquino III na aniya’y tiyak na maisasakatuparan sa suporta na rin ng Department of Education (DepEd) sa ilalim ng pamumuno ni Kalihim Armin Luistro.

Ayon sa pamunuan ng DepEd Sorsogon, malaking tulong sa mga guro at mag-aaral ang pamamahaging ito ng mga silid-aralan lalo pa’t isa rin sa mga suliraning kinakaharap ng DepEd Sorsgon ang kakulangan sa mga silid-aralan.

Tiniyak din nito na hindi masasayang ang tulong na ito bagkus ay higit pa nilangpagyayamanin nang sa gayon ay mas marami pang mga mag-aaral ang mabigyan ng kaukulang kaalaman at edukasyon nang sa gayon ay maiahon din nila ang kani-kanilang mga sarili at pamilya sa kahirapan.

Samantala, naging aktibo naman ang mga kapulisan sa pagbigay ng seguridad sa naging pagbisitang ito sa mga bayan ng Matnog, Bulan, Pilar at Donsol para sa inagurasyon at pagbasbas sa mga silid aralan na tinaguriang AGAPP Silid Pangarap.

Nagpasalamat din ang pamunuan ng Philippine National Police Sorsogon sa pamumuno ni Provincial Director Police Senior Superintendent John CA Jambora dahilan sa kooperasyon ng mga Sorsoganon at sa aktibong pagbabantay ng kanyang mga tauhan dahilan upang maging maayos at mapayapa ang naging pagbisita ng Presidential Sister at mga kasamahan nito sa Sorsogon. (PIA Sorsogon)