SORSOGON CITY (May 14, 2010)– Sa pagtutulungan ng mga kinauukulan dito sa Sorsogon, maayos at matagumpay na naisagawa ang kauna-unahang automated election dito sa bansa.
Sa lalawigan ng Sorsogon, kabilang sa mga naging mapamatyag at naging handa ay ang Phil. Coast Guard Sorsogon City Station, Bureau of Fire Protection-Sorsogon City, Police Provincial Office, Philippine Army, PPCRV at ang mga opisyal sa bawat Barangay.
Ang mga ito ay pawang naghayag na naging matiwasay ang halalan sa kabuuan at wala silang naitalang mga untoward incidences kaugnay ng ginawang botohan.
Samantala, mayroon ding naitalang pagpalya ng Precinct Count Optical Scan (PCOS) machines sa ilang mga presinto dito subalit naging handa naman ang Comelec at SMARTMATIC personnel sa pagresponde sa mga problema kung kaya’t lahat naman ay nakaboto.
Kabilang sa mga kinaharap na suliranin ay ang mahabang pila ng mga botante at mabagal na sistema ng botohan.
Naghayag din ng mga suhestyon ang ilang obserbador para sa mga susunod pang automated election. Ilan sa mga ito ay ang paglalagay ng entrance at exit sa mga polling precincts, paglalagay ng special lane para sa mga senior citizens at mga may kapansanan.
Mas magiging madali din anila, ang gagawing botohan kung makakapag-accommodate ng mas maraming botante sa isang polling precinct at hindi lamang lilimitahan sa sampu sapagkat mas mahaba ang oras na nakaistambay lamang ang PCOS machine.
Mas mainam din anilang, magbigay ng mga numero sa bawat botante kung saan nakabase sa kanilang numero ang oras din ng pagboto upang hindi rin magsiksikan sa mga voting centers.
Subalit naranasan man ang ganitong mga eksena, sa kabuuan ay masasabing tunay na naging matiwasay ang naganap na halalan at nagpakita din ng positibong resulta ang ipinakitang partisipasyon ng mga mamayan. (Bennie A. Recebido, PIA Sorsogon)
Friday, May 14, 2010
PROVINCIAL WINNERS SA SORSOGON OPISYAL NANG IDINEKLARA NG COMELEC
Tagalog News Release
SORSOGON PROVINCE (May 13)– Pasado alas-kwatro na ng hapon kahapon nang opisyal na iproklama ng Comelec ang mga nanalong kandidato sa provincial level dito.
Mag-aalas tres naman kahapon nang kumpirmahin ng Provincial Comelec na 100% transmitted na ang mga election returns mula sa city at mga municipal canvassers ng Sorsogon.
Pinangunahan ni Provincial Election Supervisor Calixto Aquino ang pagproklama kay Raul Lee ng LAKAS-KAMPI-CMD at asawa ng incumbent Governor dito, bilang bagong halal na gobernador ng Sorsogon. Babalik naman sa pwestong pagkabise-gobernador ang dati na ring naging vice-governor ng lalawigan na si Antonio “Kruni” Escudero, Jr ng NPC-LP.
Idineklara ding panalo bilang Congressman sa 1st district si incumbent Salvador Escudero III ng NPC.
Taliwas naman sa resulta sa 1st district congressional post, naging dikit ang labanan sa 2nd district kung saan si incumbent Gubat Mayor Deogracias Ramos, Jr. ng Liberal Party ang nanalong congressman.
Samantala, kauna-unahang nakapagproklama ng mga nanalong kandidato ang bayan ng Irosin bandang alas syete y medya noong Martes habang ang bayan naman ng Donsol ang pinakahuling nakapagproklama kahapon ng hapon.
Ang mga sumusunod ang nanalo sa pagkaalkalde: Barcelona – Atty. Manuel Fortes, Jr. ng LP at kasalukuyang provincial administrator; Bulan –incumbent Mayor Helen Rose de Castro ng LAKAS-KAMPI-CMD; Bulusan – Michael Guysayko ng Nacionalista Party at anak ni incumbent Bulusan Mayor Juan Guysayko.
Castilla – incumbent Mayor Olive Bermillo ng LP; Casiguran – incumbent Mayor Ester Hamor ng Nacionalista Party; Donsol – incumbent Mayor Jerome Alcantara ng LP; Gubat – panalo ang 29 yrs old na si Ronnel Lim ng Nacionalista Party;
Irosin – Eduardo Ong ng PDP-LABAN; Juban – si Jimmy Fragata ng LAKAS-KAMPI-CMD at asawa ng three-term incumbent Mayor Tess Fragata; Magallanes – balik si Roque Carranza ng LAKAS-KAMPI-CMD na dati ring nanilbihan bilang alkalde ng Magallanes noon; Matnog – Emilio Ubaldo ng KAMPI na dati na ring nanilbihan bilang alkalde doon;
Pilar – incumbent Mayor Dennis Sy-Reyes ng NPC; sa Prieto Diaz – panalo si incumbent Provincial Board Member Jocelyn Lelis ng LAKAS-KAMPI-CMD habang sa Sorsogon City naman ay panalong alkalde si incumbent Mayor Leovic Dioneda ng LP.
Sa national post, panalo sa Sorsogon bilang Pangulo si Benigno Aquino III na nakakuha ng 132,575.
Sa pagkaBise-Presidente, panalo din si Jejomar Binay na may botong 174,865.
Landslide victory naman sa Sorsogon ang Ako Bicol Partylist na nakakuha ng 151, 121 votes.
Matapos ang proklamasyon, halos lahat ay nangakong matapos ang halalan ay kakalimutan na ang pulitika at sisimulan ang tunay na pagsilbi sa mga mamamayan sa pag-upo nila bilang mga bagong pinuno ng bayan.
Umaasa naman ang mga Sorsoganon na paninindigan ng mga bagong halal na pinuno ang kani-kanilang mga susumpaang tungkulin. (Bennie A. Recebido, PIA Sorsogn)
SORSOGON PROVINCE (May 13)– Pasado alas-kwatro na ng hapon kahapon nang opisyal na iproklama ng Comelec ang mga nanalong kandidato sa provincial level dito.
Mag-aalas tres naman kahapon nang kumpirmahin ng Provincial Comelec na 100% transmitted na ang mga election returns mula sa city at mga municipal canvassers ng Sorsogon.
Pinangunahan ni Provincial Election Supervisor Calixto Aquino ang pagproklama kay Raul Lee ng LAKAS-KAMPI-CMD at asawa ng incumbent Governor dito, bilang bagong halal na gobernador ng Sorsogon. Babalik naman sa pwestong pagkabise-gobernador ang dati na ring naging vice-governor ng lalawigan na si Antonio “Kruni” Escudero, Jr ng NPC-LP.
Idineklara ding panalo bilang Congressman sa 1st district si incumbent Salvador Escudero III ng NPC.
Taliwas naman sa resulta sa 1st district congressional post, naging dikit ang labanan sa 2nd district kung saan si incumbent Gubat Mayor Deogracias Ramos, Jr. ng Liberal Party ang nanalong congressman.
Samantala, kauna-unahang nakapagproklama ng mga nanalong kandidato ang bayan ng Irosin bandang alas syete y medya noong Martes habang ang bayan naman ng Donsol ang pinakahuling nakapagproklama kahapon ng hapon.
Ang mga sumusunod ang nanalo sa pagkaalkalde: Barcelona – Atty. Manuel Fortes, Jr. ng LP at kasalukuyang provincial administrator; Bulan –incumbent Mayor Helen Rose de Castro ng LAKAS-KAMPI-CMD; Bulusan – Michael Guysayko ng Nacionalista Party at anak ni incumbent Bulusan Mayor Juan Guysayko.
Castilla – incumbent Mayor Olive Bermillo ng LP; Casiguran – incumbent Mayor Ester Hamor ng Nacionalista Party; Donsol – incumbent Mayor Jerome Alcantara ng LP; Gubat – panalo ang 29 yrs old na si Ronnel Lim ng Nacionalista Party;
Irosin – Eduardo Ong ng PDP-LABAN; Juban – si Jimmy Fragata ng LAKAS-KAMPI-CMD at asawa ng three-term incumbent Mayor Tess Fragata; Magallanes – balik si Roque Carranza ng LAKAS-KAMPI-CMD na dati ring nanilbihan bilang alkalde ng Magallanes noon; Matnog – Emilio Ubaldo ng KAMPI na dati na ring nanilbihan bilang alkalde doon;
Pilar – incumbent Mayor Dennis Sy-Reyes ng NPC; sa Prieto Diaz – panalo si incumbent Provincial Board Member Jocelyn Lelis ng LAKAS-KAMPI-CMD habang sa Sorsogon City naman ay panalong alkalde si incumbent Mayor Leovic Dioneda ng LP.
Sa national post, panalo sa Sorsogon bilang Pangulo si Benigno Aquino III na nakakuha ng 132,575.
Sa pagkaBise-Presidente, panalo din si Jejomar Binay na may botong 174,865.
Landslide victory naman sa Sorsogon ang Ako Bicol Partylist na nakakuha ng 151, 121 votes.
Matapos ang proklamasyon, halos lahat ay nangakong matapos ang halalan ay kakalimutan na ang pulitika at sisimulan ang tunay na pagsilbi sa mga mamamayan sa pag-upo nila bilang mga bagong pinuno ng bayan.
Umaasa naman ang mga Sorsoganon na paninindigan ng mga bagong halal na pinuno ang kani-kanilang mga susumpaang tungkulin. (Bennie A. Recebido, PIA Sorsogn)
Subscribe to:
Posts (Atom)