Publiko pinag-iingat laban sa sakit na ‘silent killer’

Ni: Bennie A. Recebido

Lungsod ng Sorsogon, March 20 (PIA) – Muling binalaan ng pamunuan ng Provincial Health Office ang mga Sorsoganon na mag-ingat laban sa tinatawag nilang ‘silent killer’ o sakit sa puso at high blood.

Sa paliwanang ni Dr. Renato Bolo, Jr., medical officer II ng Dr. Fernando B. Duran, Sr. Memorial Hospital o mas kilala bilang Sorsogon Provincial Hospital, nangunguna pa rin ang heart disease o sakit sa puso sa listahan ng mga sanhi ng kamatayan ng mga Pilipino.

Kaugnay nito, hinikayat ni Dr. Bolo ang mga mamamayan na ugaliin ang pagbisita sa mga health center upang alamin ang kanilang regular na blood pressure at humingi ng kaukulang payo sa mga health personnel o doktor.

Ipinaliwanang din niya na base sa Seventh Report of the Joint National Committee on Prevention, Detection, Evaluation, and Treatment of High Blood Pressure o JNC7 matrix, kinukunsiderang normal kung nasa 120/80 ang blood pressure ng isang indibidwal, habang nasa pre-hypertension stage kung mataas sa 120 hanggang 139 ang diastolic at mataas sa 80 hanggang 89 ang systolic.

Hypertension stage 1 ang 140 hanggang 159 diastolic at 90 hanggang 99 na systolic, habang Hypertension stage 2 naman ang 160 diastolic pataas over 100 systolic pataas.

Dahilan dito, sinabi ni Dr. Bolo na dapat nang maging alerto at bantayan ng isang may high blood o alta presyon ang mga uri ng pagkaing kinakain niya at maging ang kanyang kabuuang lifestyle.

Pinayuhan din niya ang mga suspected high blood patient na umiwas na sa sobrang puyat, pagkainis, galit, pagod, mga pagkaing matatamis, maaaalat at matataba, pag-inom ng alak at paghithit ng sigarilyo.

Binigyang-diin din ni Dr. Bolo na walang ibang makagagawa ng tamang pangangalaga ng puso at pag-iwas sa sakit na dadapo dito kundi ang sarili lamang at mas makabubuting sundin na lamang ang mga ipinapayo ng doktor at eksperto sa kalusugan. (BARecebido, PIA Sorsogon)

CY 2012 PO1 Regular/Attrition Recruitment Program

SORSOGON CITY, Marso 20 –  Magreresibe na po ang Sorsogon Police Provincial  Office kan mga folders para duman sa mga boot na magserbisyo o maglaog sa Philippine National Police. Ang makakasabay sa regular/attrition recruitment program ngonian na taon pigkakarkulo na ma take-oath sa maabot na Hulyo 2, 2012 kaya inaapodan po ang mga intresadong kwalipikadong  aplikante na magsumite kan saindang mga application folders para sa initial screening asin evaluation kan mga ini. 

An mga minasunod na dokumento iyo an mga kaipuhan: “A”- Personal Data Sheet (CSC Form 212 Revised 2005, Handwritten,Black Ballpen), “B”- Birth Certificate (Issued by NSO), “C”-Eligibility (Authenticated by Issuing Party), “D”-Black and White Picture (Two (2) pieces 2x2, indicating Applicants name): a. 1 pc Bust picture b. 1 pc Whole body picture, “E”- Transcript of Scholastic Records and Diploma (Authenticated by the School Registrar), “F”- Certicate of Good Moral Character from University, “G”- Clearances (from the Barangay, Local Police Station, RTC/MTC/NBI), “H”- Medical Certificate (Issued by the Local Health Office and ECG result), “I”- Fingerprints and Handwriting Specimen from NAPOLCOM. Magsumiteng sarong (1) puting folder na may puting tabbing para sa initial screening. 

Para po sa kadagdagan na impormasyon magbisita sa Administration Office, Camp Savador C. Escudero Sr., Sorsogon City. (PSI Romeo M. Gallinera, SPPO/PIA Sorsogon)

(Photo: PO2 Mike Espena, SPPO/PIA Sorsogon)

#TO SERVE AND PROTECT#

Pagrepaso sa Claim Folder ng mga ARBs isinagawa ng DAR

Ni: Bennie A. Recebido

Lungsod ng Sorsogon, Marso 19 (PIA) – Upang malaman ang kasalukuyang kalagayan ng Claim Folder ng mga Agrarian Reform Beneficiaries (ARBs), nagsagawa kamakailan ang Department of Agrarian Reform (DAR) ng tatlong araw na pagrepaso ng mga Claim Folder na tinagurian nilang CF’s Day.

Ayon kay Provincial Agrarian Reform Officer II Roseller Olayres, naging aktibidad sa CF’s Day ang pagsasagawa ng inventory ng mga pag-aaring lupa at pagrepaso sa mga ito na magiging basehan upang makabuo ng mga natatanging rekomendasyon na magpapataas pa sa antas ng serbisyo ng Comprehensive Agrarian Reform Program (CARP).

Ang Claim Folder sa naging pagpaliwanag ni Assistant Regional Director for Operations ng DAR Region V Atty. Miguel Gracilla, ay kabuuan ng pinagsamang mga dokumentong kailangan para sa pagkuha ng Certificate of Landownership Award (CLOA). Ang CLOA ay titulo ng lupa na iginagawad sa isang Agrarian Reform Beneficiary.

Sa rehiyon ng Bicol, isa ang Sorsogon sa may mga malalaki pang natitirang Land Acquisition and Distribution (LAD) na dapat na maibigay sa mga kwalipikadong magsasaka. Subalit karamihan sa mga lupaing ito ay may mga suliraning kailangang respondehan ng Department of Environment and Natural Resources (DENR) at ng Department of Justice (DOJ).

Ngunit dahilan sa ipinag-uutos ng RA 9700 o ang Comprehensive Agrarian Reform Program Extension with Reforms na mas kilala bilang Carper Law na dapat na matapos ang LAD hanggang sa 2014, kung kaya’t pinagsisikapan ng DAR sa ilalim ng administrasyon ni Sec. Virgilio Delos Reyes na makita ang kalagayan ng bawat claim folder upang malaman ang posibilidad kung maipamamahagi ito sa mga benepisyaryo sa itinakdang panahon.

Ang 3-day Claim Folder review ay dinaluhan ng mga Municipal Agrarian Reform Officer at ng Provincial at Municipal technical personnel kasama ng kani-kanilang mga encoder.

Inaasahang matapos ang ginawang pagrepaso ay mas mapapabilis ang pagpoproseso ng pamamahagi ng mga lupain upang tuluyan na itong maging pagmamay-ari ng mga ARBs. (AJArbolente, DAR/BARecebido, PIA Sorsogon)

Butanding sa Donsol dinadagsa na ng mga turista

Ni: Bennie A. Recebido

Lungsod ng Sorsogon, Marso 19 (PIA) – Inihayag ng pamunuan ng Sorsogon Provincial Tourism Office na patuloy na tumataas ang bilang ng mga turistang dumadayo sa bayan ng Donsol, Sorsogon upang makita at makasalamuha ang pinakamalaking isda sa buong mundo, ang Butanding o Whaleshark.

Ayon kay Provincial Tourism Officer Cris Racelis, dagsa na ang mga dayuhan at lokal na turista sa Donsol upang makita ang pamosong Butanding. Aniya, sa katunayan ay fully booked na ang lahat ng mga inns, hotel at resort sa lugar simula pa noong December 2011 hanggang Mayo ngayong taon at nagkakaubusan na rin ng reservation maging ang mga homestay doon, at inaasahang patuloy pa ring dadagsa ang mga turista sa susunod na mga araw hanggang sa buwan ng Hunyo.

Aniya, nasa pito hanggang sampung mga Butanding ang makikita sa kasalukuyan at patuloy pa umano itong tataas sa mga susunod pang mga araw.

Dagdag pa ni Racelis na abala din sa ngayon ang Donsol Municipal Tourism Office sa kanilang consolidation of statistics ng mga dumadayong turista para sa first quarter ng taong 2012.

Sinabi pa ni Racelis na patuloy din ang patuloy din ang ginagawang pagbibigay impormasyon at pag-oorganisa sa mga barangay ng Provincial Tourism office upang mapataas ang kanilang kamalayan ukol sa pangangalaga sa mga yamang pangturismo sa kanilang bayan lalo na ang mga Butanding na nasa kanilang karagatan. Minamantini din nila ang mga patakarang itinakda ng World Wildlife Fund para sa tamang pangangalaga ng mga Butanding.

Samantala, dumating naman noong Biyernes sa Donsol ang tatlongdaan limampung mga kasapi ng National Councilor’s League of the Philippines (NCLP) upang personal nilang makita ang mga Butanding bilang bahagi ng exposure at package tour na inihanda para sa kanila sa tatlong araw na NCLP 1^st Quarter National Executive Officers and National Board Meeting na ginanap sa lungsod ng Legazpi noong nakaraang linggo. Layunin ng exposure tour na ito na maipakilala sa mga delegado mula sa iba’t-ibang bahagi ng bansa ang mga ipinagmamalaking tourist destination sa rehiyon ng Bikol. (BARecebido, PIA Sorsogon)

DENR's Trail inspection.

Trail inspection. DENR Regional Executive Director Joselin Marcus Fragada (in brown cut vest) and Regional Technical Director Felix Mendoza inspect the trail in Mayon Volcano Natural Park (MVNP), Lidong, Sto. Domingo, Albay. The DENR Bicol proposes a consolidation of the various trails leading to the base camps and summit of Mayon Volcano to keep the environs protected from intrusion. (Photo by JESSEL S. BASANTA, DENR/PIA Sorsogon)