DENR, DSWD, DILG NAGKASUNDO SA ARANDURUGANG IMPLEMENTASYON KAN GREENING PROGRAM

SYUDAD NIN LEGAZPI, NOBYEMBRE 16 – TULONG AHENSYA KAN GOBYERNO AN NAGKASARARO NA MAS PAKUSUGON AN IMPLEMENTASYON KAN PAGPANGATAMAN SA KADLAGAN SA TAHAW KAN KAMAWOTAN NA MAS MAPAHEWAS AN PAGTINARABANGAN SA LAMBANG INISYATIBA KAN MGA INI.

AN KASUNDUAN MINATUNGKUS SA PROYEKTONG “BUYING A LIVING TREE SYSTEM” POON SA TAON 2013 SAGKOD 2016 NA IPAPA-OTOB KAN DEPARTMENT OF ENVIRONMENT AND NATURAL RESOURCES (D-E-N-R), DEPT. OF INTERIOR AND LOCAL GOVERNMENT (D-I-L-G) SAKA AN DEPT. OF SOCIAL WORKS AND DEVELOPMENT (D-S-W-D) NA KUN SAEN AN ISKEMA IYO AN MAIMBUWELTO SA MGA PAMILYA-BENEPISYARYO KAN PANTAWID PAMILYA PILIPINO PROGRAM (4Ps) BUDA BUREAU OF FIRE PROTECTION (B-F-P).

AN MGA BENIPISYARYONG-PAMILYA KAN P-P-P KAN D-S-W-D IYO MAN AN MAGTATARANOM BUDA MAPALANGUBO KAN MGA BANHI NA PAPATAMBUON SA MGA PILING HEPATURA KAN B-F-P.

SA LINDONG KAN PROYEKTO, MAKIKIPAGTABANGAN AN 220 LISENSYADONG FORESTER DANGAN 299 LISENSYADONG AGRICULTURIST KAN B-F-P SA PAGMUKNA NIN MGA SEEDLING NURSERY SA PINILING MGA LUGAR. AN B-F-P IGWA NIN 148 FIRE STATIONS SA 141 SYUDAD KAN NASYON, MANTANG MAY 898 HEPATURA NA PIG-CLUSTER TANGANING MASERBISYOHAN AN 1,495 NA BANWA.

SINABI NI ENVIRONMENT SEC. RAMON PAJE NA AN NAGING KASIMBAGAN KAN D-S-W-D BUDA B-F-P NAPAPANAHON ASIN MINAPAHILING SANA KAN PANIBAGONG KABTANG SA DULONG PINAKUSOG NA PAGSASARARO SA LAKDANG NA MAPARAMBONG LIWAT AN MGA KADLAGAN.

AN B-F-P IGWANG MANDATO NA PANGATAMANAN AN KADLAGAN SA PAAGI KAN PAGLILIKAY O PAGPUPUHO NIN MGA KASULO SA KABUBULDAN. (Ruby L. Mendones, DENR-V/PIA Sorsogon)