INDIGENOUS SPECIES 83% KAN MGA ITATANOM SA GREENING PROGRAM

SYUDAD NIN LEGAZPI, Nobyembre 28 (PIA) – HAROS 57 MILYON NA BANHI AN NAKONSEGER KAN DEPARTMENT OF ENVIRONMENT AND NATURAL RESOURCES (D-E-N-R) DANGAN MGA KATARABANG KAINING ORGANISASYON KAN OKTUBRE NGONYAN NA TAON, KUN SAEN 83 PORSYENTO KAINI O 47.2 MILYON AN KATIRIPONAN NIN MGA INDIGENOUS TREE SPECIES O MGA POON NIN KAHOY NA TUBUANON SA LOKALIDAD.

TINAWAN NIN PALIWANAG NI ENVIRONMENT SEC. RAMON PAJE NA AN SIRING NA LAKDANG IYO AN PAGTUNGKOS SA KATOYOHAN KAN DEPARTAMENTO NA MAGBALYO SA PAGGAMIT NIN EXOTIC O DAYONG POON NIN KAHOY PASISIRNG SA MGA TUBUANON O INDIGENOUS SPECIES.

NAGTUTUBUD SI PAJE NA AN N-G-P NAGTATAONG KARAKTER SA PAGKA-FILIPINO KAN PROGRAMA, KASABAY INI SA MEMORANDUM CIRCULAR NA IPINALUWAS KAN D-E-N-R KAN MAYO NA MAY KASUGUAN KAN PAGGAMIT NIN MGA TUBUANON NA POON NIN KAHOY SA GREENING PROGRAM KAN GOBYERNO.

SA KABILOGAN NA BILANG, AN D-E-N-R NAKAPAGTIPON NIN 43.45 MILYON KAIRIBA NA AN 2.37 NA BANHI NIN BAKAWAN; 3.14 MILYON AN PINATAMBO KAN PHIL. TROPICAL FOREST CONSERVATION FOUNDATION (P-T-F-C) SAKA AN FOUNDATION FOR PHIL. ENVIRONMENT (F-P-E); BUDA 154,694 GIKAN SA MGA STATE UNIVERSITIES AND COLLEGES (S-U-Cs).

LAEN PA SA MGA FOREST TREES, IGWA MAN NIN 4.1 MILYON NA FRUIT-BEARING TREES O MGA NAMUMUNGANG KAHOY AN PINATAMBO KAN D-E-N-R BUDA DEPARTMENT OF AGRICULTURE (D-A).

MIENTRASTANTO, PARA SA URBAN GREENING O PAGTATANOM NIN KAHOY SA MGA URBANISADONG LUGAR, IGWANG 765,173 NA ORNAMENTAL SEEDLINGS AN NAPATAMBO SA NASABING PERIODO, NA KOMPUESTO NIN MGA ACACIA, AGOHO, ALIBANGBANG, ARATELIS, ILANG-ILANG, BALITBITAN, CABALLERO DANGAN TALISAY. (Ruby Mendones, DENR-V/PIA Sorsogon)