Tagalog News
SORSOGON PROVINCE (August 18) – Sa kabila ng mahigpit na babala at panawagan ng Bureau of Fisheries and Aquatic Resources sa publiko na mag-ingat sa pagkain lalo na ng mga ipinagbabawal na lamang dagat mula sa Sorsogon Bay ay may ilan pang mga Sorsoganon ang matigas pa rin ang ulo.
Ito ay matapos na muling makapagtala dito ng anim na biktima ng Paralytic Shellfish Poisoning na pawang kabilang sa Pamilya Espaldon ng Sitio Estorum, Brgy. Trece Martires, Casiguran, Sorsogon nito lamang nakaraang Linggo, August 15, kung saan isa ang kumpirmadong namatay at anim ang kasalukuyan pa ring nakaconfine sa Hibo Francisco Medical Center sa bayan ng Casiguran.
Kinilala ang mga biktima na sina Bernabe, 39 years old at tatay ng iba pang mga biktima na sina Lyn Vanessa, 16, Beverly, 12, John Bernard, 11, Brix, 6, at Bryan, 1 year old and 6 months, habang ang namatay ay kinilala namang si Brent Espaldon, 6 na taong gulang at twin brother ni Brix.
Ayon kay BFAR Sorsogon OIC Provincial Fishery Officer Gil Ramos, halos mga limang oras matapos kumain ng baloko ang pamilya para sa kanilang pananghalian ay nakaramdam na ang mga ito ng pamamanhid ng katawan, pagsusuka at pagkahilo kung kaya’t agad silang isinugod sa ospital.
Matatandaang sa pinakahuling Shellfish Bulletin No. 18 na ipinalabas ng BFAR Central Office na may petsang August 11, 2010, nanatiling positibo sa red tide toxin ang katubigan ng Sorsogon Bay kung kaya’t mahigpit pa ring ipinatutupad ang total shellfish ban sa buong lalawigan.
Una na ring inihayag ni Francisco Dollesin, marine biologist ng BFAR Sorsogon, na positibo pa rin sa presensya ng pyrodinium bahamense ang mga katubigan at laman ng mga shellfish sa lahat ng lugar na sakop ng Sorsogon Bay base na rin sa mga isinasagawa nilang regular meat and water sampling.
At sa resultang ito ng kanilang regular sampling, nananatiling ang katubigan ng Casiguran na sakop ng Sorsogon Bay ang may pinakamataas na toxicity level partikular sa mga lugar ng Brgy. Ponong at Brgy. Boton. (Bennie A. Recebido, PIA Sorsogon)
Wednesday, August 18, 2010
Tuesday, August 17, 2010
NAKURYENTE SA SORSOGON, PITO ANG PATAY
Tagalog News
SORSOGON PROVINCE – Pito ang naitalang patay sa Brgy. Guinlajon, Sorsogon City sanhi ng pagkakakuryente ng mga ito mag-aalas-sais ng gabi kahapon, August 16.
Ang mga biktima na pawang nasa legal na edad ay kinilalang sina Benito Jintalan, 65, magkapatid na Arnel Janaban, 31 at Gilbert Janaban,18, mag-amang Leopoldo Roldan, 70, at Neptali Roldan, 19, at ang magtiyo na sina Jose Macapagal, 66, at Ronald Macapagal, 21.
Habang naisugod naman sa isang pribadong ospital dito sa lungsod ng Sorsogon ang nag-aagaw buhay na si Eric Janaban, 22, pinsan ni Arnel at Gilbert, at hanggang sa ngayon ay patuloy pa ring ginagamot.
Ang mga biktima ay pawang residente ng Sitio Kimuntod Saday, Brgy. Guinlajon, Sorsogon City.
Ayon sa inisyal na report ng kapitbahay ng mga biktima, aalisin na sana ni Benito Jintalan ang coco lumber lay-out ng ginagawang poso negro nang aksidente siyang madulas sa isang hagdan at mahulog sa loob ng nasabing poso negro na may lamang tubig kasabay ang extension ng ilaw na siyang sanhi ng pagkakakuryente nito.
Tinatayang umaabot sa 240 boltahe ng kuryente ang pumasok sa katawan ng mga biktima.
Agad namang sinaklolohan si Jintalan ng pitong kapitbahay sa pag-aakalang inatake ito sa puso dahilan upang madamay sila sa pagkakakuryente at siyang ikinamatay ng mga ito at pagkakaospital ng isa pa.
Samantala, agad namang nagpaalala sa publiko ang mga opisyal dito partikular ang Sorsogon Electric Cooperative na pag-ibayuhin ang pag-iingat laban sa kuryente, at kung sakaling maharap ang sinumang indibidwal sa ganitong sitwasyon, lalo’t alam na kuryente ang dahilan, dapat na hindi nawawala ang presence of mind, agad na ibaba ang fuse o source of power, at huwag direktang hahawakan ang biktima.
Sakaling nais iligtas ang biktima, dapat gumamit ang tagaligtas ng mga non-metallic na bagay tulad ng kahoy, anit, tela at rubber, subalit dapat na tiyaking hindi basa ang mga ito. (Bennie A. Recebido, PIA Sorsogon)
SORSOGON PROVINCE – Pito ang naitalang patay sa Brgy. Guinlajon, Sorsogon City sanhi ng pagkakakuryente ng mga ito mag-aalas-sais ng gabi kahapon, August 16.
Ang mga biktima na pawang nasa legal na edad ay kinilalang sina Benito Jintalan, 65, magkapatid na Arnel Janaban, 31 at Gilbert Janaban,18, mag-amang Leopoldo Roldan, 70, at Neptali Roldan, 19, at ang magtiyo na sina Jose Macapagal, 66, at Ronald Macapagal, 21.
Habang naisugod naman sa isang pribadong ospital dito sa lungsod ng Sorsogon ang nag-aagaw buhay na si Eric Janaban, 22, pinsan ni Arnel at Gilbert, at hanggang sa ngayon ay patuloy pa ring ginagamot.
Ang mga biktima ay pawang residente ng Sitio Kimuntod Saday, Brgy. Guinlajon, Sorsogon City.
Ayon sa inisyal na report ng kapitbahay ng mga biktima, aalisin na sana ni Benito Jintalan ang coco lumber lay-out ng ginagawang poso negro nang aksidente siyang madulas sa isang hagdan at mahulog sa loob ng nasabing poso negro na may lamang tubig kasabay ang extension ng ilaw na siyang sanhi ng pagkakakuryente nito.
Tinatayang umaabot sa 240 boltahe ng kuryente ang pumasok sa katawan ng mga biktima.
Agad namang sinaklolohan si Jintalan ng pitong kapitbahay sa pag-aakalang inatake ito sa puso dahilan upang madamay sila sa pagkakakuryente at siyang ikinamatay ng mga ito at pagkakaospital ng isa pa.
Samantala, agad namang nagpaalala sa publiko ang mga opisyal dito partikular ang Sorsogon Electric Cooperative na pag-ibayuhin ang pag-iingat laban sa kuryente, at kung sakaling maharap ang sinumang indibidwal sa ganitong sitwasyon, lalo’t alam na kuryente ang dahilan, dapat na hindi nawawala ang presence of mind, agad na ibaba ang fuse o source of power, at huwag direktang hahawakan ang biktima.
Sakaling nais iligtas ang biktima, dapat gumamit ang tagaligtas ng mga non-metallic na bagay tulad ng kahoy, anit, tela at rubber, subalit dapat na tiyaking hindi basa ang mga ito. (Bennie A. Recebido, PIA Sorsogon)
TOTAL BAN NG SHELLFISH SA SORSOGON NAKATAAS PA RIN
Tagalog News
SORSOGON PROVINCE – Nananatiling positibo sa red tide toxin ang Katubigan ng Sorsogon Bay kung kaya’t mahigpit pa ring ipinatutupad ang shellfish ban sa buong lalawigan.
Sa naging pahayag ni Francisco Dollesin, marine biologist ng Bureau of Fisheries and Aquatic Resources Sorsogon, sinabi niyang positibo pa rin sa presensya ng pyrodinium bahamense ang mga katubigan at laman ng mga shellfish sa lahat ng lugar na sakop ng Sorsogon Bay base na rin sa mga isinasagawa nilang meat and water sampling.
Sinabi din niya na total shellfish ban pa rin ang ipinatutupad sa lalawigan. subalit nilinaw niyang nagbibigay sila ng permit to harvest, transport and sell sa badoy pero kinakailangang dumaan pa rin sa kanilang pagsusuri ang mga badoy ikakalakal.
Aniya, gumagawa sila ng daily analysis sa mga sample ng badoy na nakukuha nila sa Sorsogon Bay at ipinalalabas nila ang resulta nito sa kanilang local bulletin.
Samantala, sa pinakahuling resulta naman ng kanilang meat and water sampling, nananatiling sa Casiguran pa rin ang may pinakamataas na toxicity level kung saan nakapagtala ito ng 131 microgram per 100 gram of shellfish meat, higit na mataas kumpara sa 60 microgram na tolerable limit.
Habang sa water sample naman, lumalabas na sa Casiguran area pa rin ang may pinakamataas na toxicity level ng red tide kung saan mahigit 2000 microgram naman ang presensya ng pyrodinium bahamense partikular sa mga lugar ng Brgy. Ponong at Brgy. Boton.
Kaugnay nito mahigpit pa rin ang babala ng BFAR sa mga residente na mag-ingat sa Paralytic Shellfish Poisoning. Bennie A. Recebido, PIA Sorsogon)
SORSOGON PROVINCE – Nananatiling positibo sa red tide toxin ang Katubigan ng Sorsogon Bay kung kaya’t mahigpit pa ring ipinatutupad ang shellfish ban sa buong lalawigan.
Sa naging pahayag ni Francisco Dollesin, marine biologist ng Bureau of Fisheries and Aquatic Resources Sorsogon, sinabi niyang positibo pa rin sa presensya ng pyrodinium bahamense ang mga katubigan at laman ng mga shellfish sa lahat ng lugar na sakop ng Sorsogon Bay base na rin sa mga isinasagawa nilang meat and water sampling.
Sinabi din niya na total shellfish ban pa rin ang ipinatutupad sa lalawigan. subalit nilinaw niyang nagbibigay sila ng permit to harvest, transport and sell sa badoy pero kinakailangang dumaan pa rin sa kanilang pagsusuri ang mga badoy ikakalakal.
Aniya, gumagawa sila ng daily analysis sa mga sample ng badoy na nakukuha nila sa Sorsogon Bay at ipinalalabas nila ang resulta nito sa kanilang local bulletin.
Samantala, sa pinakahuling resulta naman ng kanilang meat and water sampling, nananatiling sa Casiguran pa rin ang may pinakamataas na toxicity level kung saan nakapagtala ito ng 131 microgram per 100 gram of shellfish meat, higit na mataas kumpara sa 60 microgram na tolerable limit.
Habang sa water sample naman, lumalabas na sa Casiguran area pa rin ang may pinakamataas na toxicity level ng red tide kung saan mahigit 2000 microgram naman ang presensya ng pyrodinium bahamense partikular sa mga lugar ng Brgy. Ponong at Brgy. Boton.
Kaugnay nito mahigpit pa rin ang babala ng BFAR sa mga residente na mag-ingat sa Paralytic Shellfish Poisoning. Bennie A. Recebido, PIA Sorsogon)
Thursday, August 12, 2010
SORSOGANON PINURI ANG MAGANDANG PERFORMANCE NG BIR SORSOGON
Tagalog News
SORSOGON PROVINCE (August 12) – Maraming mga residente sa Sorsogon ang humahanga at natutuwa ngayon sa ipinapakitang gilas ng Bureau of Internal Revenue Sorsogon District Office sa larangan ng tax collection.
Ayon sa ilang mga residente dito partikular ang mga nasa panig ng negosyo na malaking tulong ang ginagawang information dissemination ng BIR at ang pagiging agresibo ng kanilang mga programa sa tax collection at tax cheats.
Sinabi rin ng mga ito na ngayong lumalakas ang tiwala ng mga taxpayers ukol sa tamang pagbabayad ng buwis ay dapat din lamang diumano na tiyakin ng pamahalaan na magagamit ng wasto ang mga nakolektang buwis mula sa mga taxpayers.
Positibo silang sa pamamagitan ng bagong administrasyon ay maitutuwid ang mga pamamaraan sa paggasta sa kaban ng bayan nang sa gayon ay tunay na makarating ito sa dapat paggugulan ng pondo at matamasa ng mga mamamayan ang basic social services na ipinapangako ng pamahalaan.
Samantala, sa ipinalabas namang pahayag ni BIR Sorsogon District Revenue Officer Arturo Abenoja, Jr., nalagpasan nila ang kanilang target collection para sa 2nd semester ng taong ito.
Aniya, sa loob ng unang pitong buwan ng 2010 ay nakakolekta na sila 211.84 milyong piso, lagpas ng 25 milyon sa kanilang aktwal target para sa 2nd semester. At kung ikukumpara ito noong nakaraang taon sa kaparehong panahon, nasa 51 milyon ang itinaas ngayon kung saan 161 milyong piso lamang ang kanilang nakolekta noon.
Ipinagpasalamat naman ni Abenoja sa mga tax payers ang magandang performance nilang ito at sinabi din niyang nagbunga rin ang kanilang pagsisikap na maisaayos ang pamamaraan sa pagbabayad ng buwis. (Bennie A. Recebido, PIA Sorsogon)
SORSOGON PROVINCE (August 12) – Maraming mga residente sa Sorsogon ang humahanga at natutuwa ngayon sa ipinapakitang gilas ng Bureau of Internal Revenue Sorsogon District Office sa larangan ng tax collection.
Ayon sa ilang mga residente dito partikular ang mga nasa panig ng negosyo na malaking tulong ang ginagawang information dissemination ng BIR at ang pagiging agresibo ng kanilang mga programa sa tax collection at tax cheats.
Sinabi rin ng mga ito na ngayong lumalakas ang tiwala ng mga taxpayers ukol sa tamang pagbabayad ng buwis ay dapat din lamang diumano na tiyakin ng pamahalaan na magagamit ng wasto ang mga nakolektang buwis mula sa mga taxpayers.
Positibo silang sa pamamagitan ng bagong administrasyon ay maitutuwid ang mga pamamaraan sa paggasta sa kaban ng bayan nang sa gayon ay tunay na makarating ito sa dapat paggugulan ng pondo at matamasa ng mga mamamayan ang basic social services na ipinapangako ng pamahalaan.
Samantala, sa ipinalabas namang pahayag ni BIR Sorsogon District Revenue Officer Arturo Abenoja, Jr., nalagpasan nila ang kanilang target collection para sa 2nd semester ng taong ito.
Aniya, sa loob ng unang pitong buwan ng 2010 ay nakakolekta na sila 211.84 milyong piso, lagpas ng 25 milyon sa kanilang aktwal target para sa 2nd semester. At kung ikukumpara ito noong nakaraang taon sa kaparehong panahon, nasa 51 milyon ang itinaas ngayon kung saan 161 milyong piso lamang ang kanilang nakolekta noon.
Ipinagpasalamat naman ni Abenoja sa mga tax payers ang magandang performance nilang ito at sinabi din niyang nagbunga rin ang kanilang pagsisikap na maisaayos ang pamamaraan sa pagbabayad ng buwis. (Bennie A. Recebido, PIA Sorsogon)
KASO NG DENGUE SA SORSOGON NAKAPAGTALA NG ISANG PATAY
Tagalog News
SORSOGON PROVINCE (August 11)– Isa ang namatay at dalawa ang kasalukuyang naka-confine sa magkahiwalay na ospital dyan sa lalawigan ng Albay dahilan sa pagkakasakit ng dengue sa bayan ng Donsol, Sorsogon, nito lamang nakalipas na araw.
Sampung taong gulang ang biktimang namatay habang ang dalawang nakaconfine ay may edad namang labing-dalawa at limang taon na pawang mula sa Brgy. Poblacion ng Donsol.
Sa isang mensaheng ipinadala ni Donsol Vice Mayor Junjun Belmonte, nagsagawa noong Lunes ang Sangguniang Bayan at RHU-Donsol sa pangunguna ni Municipal Health Officer Dr. Owen De guzman ng isang joint meeting kasama ang local PNP, brgy. Poblacion school head, brgy. officials, local executive secretary at iba pang mga ahensya ng pamahalaan na direktang involved dito.
Pinag-usapan sa pulong ang pagpapatupad ng kanilang contingency measure upang hindi na lumala pa ang sitwasyon ng dengue sa bayan ng Donsol at maiwasang mauwi ito sa dengue outbreak.
Noong Martes ay isinagawa din ang massive information drive sa pamamagitan ng pagpapaikot ng PNP patrol unit car at pag-aanunsyo naman ng mga RHU personnel ng mga mahahalagang impormasyon at pag-iingat laban sa sakit na dengue.
Sinimulan naman kaninang umaga ang simultaneous clean-up drive sa mga kapaligiran ng Poblacion kasama na ang mga kalapit barangay nito, ang brgy. Ogod at brgy. Dancalan.
Samantala, nakaalerto na rin ang Provincial Health Office dito at mahigpit na pinag-iingat ang mga residente hindi lamang sa bayan ng Donsol kundi maging sa lahat ng panig ng lalawigan lalo pa’t may ilang mga ulat na rin ng dengue cases sa iba pang mga bayan dito. (Bennie A. Recebido, PIA Sorsogon)
SORSOGON PROVINCE (August 11)– Isa ang namatay at dalawa ang kasalukuyang naka-confine sa magkahiwalay na ospital dyan sa lalawigan ng Albay dahilan sa pagkakasakit ng dengue sa bayan ng Donsol, Sorsogon, nito lamang nakalipas na araw.
Sampung taong gulang ang biktimang namatay habang ang dalawang nakaconfine ay may edad namang labing-dalawa at limang taon na pawang mula sa Brgy. Poblacion ng Donsol.
Sa isang mensaheng ipinadala ni Donsol Vice Mayor Junjun Belmonte, nagsagawa noong Lunes ang Sangguniang Bayan at RHU-Donsol sa pangunguna ni Municipal Health Officer Dr. Owen De guzman ng isang joint meeting kasama ang local PNP, brgy. Poblacion school head, brgy. officials, local executive secretary at iba pang mga ahensya ng pamahalaan na direktang involved dito.
Pinag-usapan sa pulong ang pagpapatupad ng kanilang contingency measure upang hindi na lumala pa ang sitwasyon ng dengue sa bayan ng Donsol at maiwasang mauwi ito sa dengue outbreak.
Noong Martes ay isinagawa din ang massive information drive sa pamamagitan ng pagpapaikot ng PNP patrol unit car at pag-aanunsyo naman ng mga RHU personnel ng mga mahahalagang impormasyon at pag-iingat laban sa sakit na dengue.
Sinimulan naman kaninang umaga ang simultaneous clean-up drive sa mga kapaligiran ng Poblacion kasama na ang mga kalapit barangay nito, ang brgy. Ogod at brgy. Dancalan.
Samantala, nakaalerto na rin ang Provincial Health Office dito at mahigpit na pinag-iingat ang mga residente hindi lamang sa bayan ng Donsol kundi maging sa lahat ng panig ng lalawigan lalo pa’t may ilang mga ulat na rin ng dengue cases sa iba pang mga bayan dito. (Bennie A. Recebido, PIA Sorsogon)
Tuesday, August 10, 2010
ISTRATEHIYA SA PAGPAPATUPAD NG INTEGRATED COASTAL MANAGEMENT SA SORSOGON BUBUUIN
Tagalog News
SORSOGON PROVINCE – Nakatakdang gawin ngayong Martes, August 10, ang pagpupulong ng mga kasapi ng Technical Working Group upang planuhin at buuin ang mga hakbang at istratehiya upang epektibong maipatupad ang Integrated Coastal Management Program ng lalawigan ng Sorsogon.
Matatandaang sa isagawang Training Orientation on Integrated Coastal Management noong nakaraang buwan ay binuo ang technical working group na siyang gagawa ng plano at mga patakarang makatutulong kaugnay ng pagpapatupad ng Executive Order No 533.
Ang EO 533 ay ang atas na magpapatupad sa Integrated Coastal Management bilang pambansang istratehiya upang tiyakin ang sustenableng pag-unlad ng mga coastal at marine environment kasama na ang mga kayamanang makukuha mula dito at ang pagbubuo ng mga mekanismong susuporta sa pagpapatupad nito.
Ayon kay Provincial Environment and Natural Resources Officer Engr. Maribeth Fruto, ang technical working group ay binubuo ng mga environment and natural resources officer ng bawat munisipyo at lungsod dito, kinatawan ng Department of Environment and Natural Resources at ng Provincial ENRO-LGU.
Ayon pa kay Fruto, sinanay ang mga ito upang mabigyang giya ukol sa integration of coastal and marine resources, solid waste management, watershed and wetland management program upang makagawa ng isang komprehensibong integrated coastal management program.
Aniya, inaasahang makikita ang bubuing istratehiya sa coastal resources manamegent plan ng kani-kanilang mga nasasakupang area of responsibility.
Sinabi din ni Fruto na mahalaga ang pagpupulong na ito lalo pa’t sa patuloy na pagbabago ng panahon ay apektado na rin ang mga yamang tubig na isa sa mga pangunahing pinagkukunan ng kabuhayan ng maraming mga lokal na residente. (Bennie A. Recebido, PIA Sorsogon)
SORSOGON PROVINCE – Nakatakdang gawin ngayong Martes, August 10, ang pagpupulong ng mga kasapi ng Technical Working Group upang planuhin at buuin ang mga hakbang at istratehiya upang epektibong maipatupad ang Integrated Coastal Management Program ng lalawigan ng Sorsogon.
Matatandaang sa isagawang Training Orientation on Integrated Coastal Management noong nakaraang buwan ay binuo ang technical working group na siyang gagawa ng plano at mga patakarang makatutulong kaugnay ng pagpapatupad ng Executive Order No 533.
Ang EO 533 ay ang atas na magpapatupad sa Integrated Coastal Management bilang pambansang istratehiya upang tiyakin ang sustenableng pag-unlad ng mga coastal at marine environment kasama na ang mga kayamanang makukuha mula dito at ang pagbubuo ng mga mekanismong susuporta sa pagpapatupad nito.
Ayon kay Provincial Environment and Natural Resources Officer Engr. Maribeth Fruto, ang technical working group ay binubuo ng mga environment and natural resources officer ng bawat munisipyo at lungsod dito, kinatawan ng Department of Environment and Natural Resources at ng Provincial ENRO-LGU.
Ayon pa kay Fruto, sinanay ang mga ito upang mabigyang giya ukol sa integration of coastal and marine resources, solid waste management, watershed and wetland management program upang makagawa ng isang komprehensibong integrated coastal management program.
Aniya, inaasahang makikita ang bubuing istratehiya sa coastal resources manamegent plan ng kani-kanilang mga nasasakupang area of responsibility.
Sinabi din ni Fruto na mahalaga ang pagpupulong na ito lalo pa’t sa patuloy na pagbabago ng panahon ay apektado na rin ang mga yamang tubig na isa sa mga pangunahing pinagkukunan ng kabuhayan ng maraming mga lokal na residente. (Bennie A. Recebido, PIA Sorsogon)
COMPUTER VAN ARALAN NAGDAOS NG GRADUATION CEREMONIES; 295 MAG-AARAL NAKAPAGTAPOS
Tagalog News
SORSOGON PROVINCE (August 10) – Naghayag ng malaking pasasalamat ang dalawangdaan siyamnapu’t limang mag-aaral na napabilang sa mga mapapalad na grumadweyt nitong nakaraang Sabado, August 7, sa computer van aralan ng Sorsogon City.
Ang computer van aralan ay isa sa mga component program ng Linang Dunong o Literacy program ng pamahalaang lokal ng lungsod ng Sorsogon na naisakatuparan sa pakikipagtulungan sa Ai-Hu Foundation, Inc., isang non-profit, non-government organization na tumutulong sa mga pangangailangan ng isang bansa sa pamamagitan ng pagbibigay ng accessible education, skills training at values formation.
Ayon kay Sorsogon City Mayor Leovic Dioneda, halos tatlong linggo din ang ginugol at isinakripisyong panahon ng mga mag-aaral na kinabibilangan ng mga professional, out of school youth, may asawa, mga kabataan, uniformed men tulad ng mga pulis at maging yaong mga tindera sa palengke na nagnanais ding makakuha ng sertipikasyon at maiangat ang kanilang kaalaman partikular sa larangan ng computer literacy.
Ayon naman kay Marian Ara, isa sa mga nakapagtapos sa van aralan, malaking tulong sa kanyang paghahanap ng trabaho ang nakuha niyang kaalaman dito sapagkat nakatitiyak siya na kaya na niyang makipagsabayan sa competitive work demand hindi lamang dito kundi maging sa labas man ng bansa.
Samantala, dahilan sa kagandahang naidudulot ng programa at sa kahilingan na rin ng mga residente ng lungsod, muling binuksan ang rehistrasyon ngayong araw para sa iba pang mga mag-aaral na nagnanais makakuha ng de-kalidad na edukasyon. (Bennie A. recebido, PIA Sorsogon)
SORSOGON PROVINCE (August 10) – Naghayag ng malaking pasasalamat ang dalawangdaan siyamnapu’t limang mag-aaral na napabilang sa mga mapapalad na grumadweyt nitong nakaraang Sabado, August 7, sa computer van aralan ng Sorsogon City.
Ang computer van aralan ay isa sa mga component program ng Linang Dunong o Literacy program ng pamahalaang lokal ng lungsod ng Sorsogon na naisakatuparan sa pakikipagtulungan sa Ai-Hu Foundation, Inc., isang non-profit, non-government organization na tumutulong sa mga pangangailangan ng isang bansa sa pamamagitan ng pagbibigay ng accessible education, skills training at values formation.
Ayon kay Sorsogon City Mayor Leovic Dioneda, halos tatlong linggo din ang ginugol at isinakripisyong panahon ng mga mag-aaral na kinabibilangan ng mga professional, out of school youth, may asawa, mga kabataan, uniformed men tulad ng mga pulis at maging yaong mga tindera sa palengke na nagnanais ding makakuha ng sertipikasyon at maiangat ang kanilang kaalaman partikular sa larangan ng computer literacy.
Ayon naman kay Marian Ara, isa sa mga nakapagtapos sa van aralan, malaking tulong sa kanyang paghahanap ng trabaho ang nakuha niyang kaalaman dito sapagkat nakatitiyak siya na kaya na niyang makipagsabayan sa competitive work demand hindi lamang dito kundi maging sa labas man ng bansa.
Samantala, dahilan sa kagandahang naidudulot ng programa at sa kahilingan na rin ng mga residente ng lungsod, muling binuksan ang rehistrasyon ngayong araw para sa iba pang mga mag-aaral na nagnanais makakuha ng de-kalidad na edukasyon. (Bennie A. recebido, PIA Sorsogon)
Subscribe to:
Posts (Atom)