LEGAZPI CITY - SA KATUYUHAN NA MAS MAIBUSOL AN MANINIGONG PAGPAPA-OTOB KAN REPUBLIC ACT 9003 O ECOLOGICAL SOLID WASTE MANAGEMENT, NAGDONAR AN DEPARTMENT OF ENVIRONMENT AND NATURAL RESOURCES O D-E-N-R KI SHREDDING MACHINE SA GOBYERNO LOKAL KAN SYUDAD NIN SORSOGON.
PINANGENOTAN MISMO NI ENVIRONMENT SEC. RAMON PAJE BUDA SENADOR FRANCIS “CHIZ” ESCUDERO AN PAGTATAONG KWENTA KAN EKIPAHE SA SARONG SEREMONYA KUN SAEN PORMALMENTENG INILANSAR MAN AN PAG-ESTABLISIR NIN MATERIALS RECOVERY FACILITY O M-R-F.
SA SAIYANG PAHAYAG, TINAWAN NIN DOON NI SEC. PAJE AN IMPORTANCIA KAN PAGOTOB SA R-A 9003 O TAMANG PAGSEGREGAR BUDA PAGRESIKLO NIN BASURA TANGANING MARESOLBER AN PADAGOS NA PAGRORO KAN KAPALIBUTAN. SEGON KAY PAJE AN NAMAMATEAN NA CLIMATE CHANGE SA NGONYAN ATREBUEDO MAN SA BAKO TOLTOL NA PAGTATAPOK KI BASURA KAWSA KAN PAG-ALINTUTO KAN METHANE GAS SA PANGANORON NA IYO AN NAGPAPAGRABE KAN GLOBAL WARMING.
IDINAGDAG PA NYA NA APUERA PA DIGDI AN PAGKABARA KAN MGA ESTERO, SALUGAN, BUDA DIRETSONG PAGBULOS KAN MGA RAGPANG BASURA SA KADAGATAN. GINIBONG EHEMPLO NIYA IYO AN MGA ESTERO SA KAMANILAAN, SALUG NIN PASIG BUDA MANILA BAY.
SA PAGRESIBI KAN DONASYONG SHREDDING MACHINE, SINIGURO MAN NI ALKALDE LEOVIC DIONEDA KAN SYUDAD NIN SORSOGON NA SA PAG-ESTABLISAR NINDA KAN M-R-F DANGAN ECOPARK DAGOS NAMAN NA MAMAKARAY AN PAG-SEGREGAR BUDA PAGRESIKLO NIN BASURA SA SAINDANG LUGAR.
MIENTRASTANTO, TINAWAN NIN ASEGURASYON NI SENADOR FRANCIS ESCUDERO, AN BAGONG PAMAYO KAN SENATE COMMITTEE ON ENVIRONMENT NA BULANOS AN SAIYANG ITATAONG SUPORTA SA ASPETO KAN KAPALIBUTAN DANGAN AN PAGLALATAG KAN MGA KONKRETONG LAKDANG SA IMPLEMENTASYON KAN MGA LEYES SA KAPALIBUTAN. (JESSEL BASANTA, DENR-EMB)
No comments:
Post a Comment