Pag-amyenda sa mga patakaran ng Tricycle Franchising Advisory Council ng Sorsogon City nasa ikalawang pagbasa na

Ni: Bennie A. Recebido

Sorsogon City, August 2 (PIA) – Nasa ikalawang pagbasa na ngayon sa Sangguniang Panlungsod ang isang resolusyon na nagsusulong sa pag-amyenda sa ilang mga probisyon ng Tricycle Franchising Advisory Council (TAFC) at ang pagbubuo ng mga patakaran sa operasyon ng mga traysikel sa lungsod ng Sorsogon.

Ayon kay City Councilor Victorino Daria III, may-akda ng isinusulong na Revised Tricycle Franchising Advisory Council Ordinance of Sorsogon City, layunin nitong magkaroon ng mabilis subalit maayos at malinaw na proseso sa pagbibigay at pagsasalin ng mga prangkisa at magkaroon ng sistematikong daloy ng trapiko sa lungsod.

Malinaw na nakasaad sa isinusulong na ordinansa ang komposisyon at papel na ginagampanan ng Sorsogon City Tricycle Franchising Advisory Council tulad halimbawa ng pagtukoy sa optimum na bilang ng mga traysikel na papasada sa tatlong distrito ng lungsod – ang West, East at Bacon District.

Positibo din si Daria na matutuldukan na ang matagal na sakit ng ulo ng mga legal na operator at tsuper dito ukol sa mga namamasadang kolorum na mga traysikel na maliban sa nakakadagdag sa pagsikip ng trapiko ay nagiging kaagaw din ng mga lehitimong namamasada sa dapat ay maging kita pa nila.

Aniya, matutugunan ito sa pamamagitan ng pagpapatupad ng color-coding scheme na aprubado ng Advisory Council at ng pangulo ng Federated Association of Sorsogon Trcycle Operators and Drivers (FASTOD) kung saan dilaw o yellow diumano ang kulay ng mga papasada sa East District, berde o green sa West District at dalandan o orange naman sa Bacon District.

Malinaw ding nakasaad dito ang mga patakarang dapat na sundin ng mga operator lalo na ng mga tsuper sa kanilang operasyon at pamamasada. Maging ang mga ‘service tricycle’ o yaong mga ‘not for hire’ na traysikel ay may malinaw ding regulasyong dapat sundin.

Nakaatang naman sa responsibilidad ng Philippine National Police (PNP) ang pagpapatupad ng batas ukol dito sa tulong ng traffic aide na nakadestino sa lugar habang bibigyan naman ang mga tauhan ng Traffic Management Section ng PNP ng mga ‘citation ticket’ para sa mga magiging paglabag ng mga tsuper. (PIA Sorsogon)

Pagkakantala ng royalty share mula sa operasyon ng Bac-Man Geothermal Plant may malaking epekto sa city government

Ni: Bennie A. Recebido

Sorsogon City, August 2 (PIA) – Inamin ni Sorsogon City Mayor Leovic Dioneda na problemado sila sa ngayon sa natatanggap nilang royalty share mula sa operasyon ng Bacon-Manito Geothermal Production Plant ng Energy Development Corporation (EDC) sa lungsod.

Ito ay dahilan sa hanggang ngayon ay hindi pa nila diumano natatanggap ang royalty share na dapat sana ay naipamahagi na sa mga host barangay ng EDC.

Ayon sa alkalde, ang pagkakaantala ay resulta ng privatization ng EDC at ang mahaba at matagal na proseso kung saan dapat na idaan sa Department of Energy (DOE), Department of Finance (DoF) at Department of Budget and Management (DBM) ang ibinabayad ng EDC bago ito tuluyang ibigay sa host city patungo sa mga barangay na dapat manginabang nito.

Kaugnay nito, humingi ng paliwanag si Mayor Dioneda mula sa DBM at DoF kaugnay ng pagkakantalang ito na aniya’y nakakaapekto na sa pagbaba ng ibinibigay nilang serbisyo at proyektong pinopondohan ng royalty share lalong-lalo na ang power subsidy na ibinibigay nila sa mga mamamayan.

Sa patuloy na pagkakantala, nangangamba silang baka dumating din sa puntong kakarampot o wala na silang makuhang royalty kung kaya’t kailangan nila diumano ang suporta ng lahat ng mga stakeholders partikular ang public-private partnership upang hindi tuluyang masakripisyo ang mga programa ng city government.

Sa ngayon aniya ay nagpapatupad sila ng mga istratehiyang makakatulong upang kahit papaano’y hindi gaaanong maramdaman sa mga barangay ang malaking epekto ng pagkakaantalang ito tulad ng paghihigpit ng sinturon, tamang paggasta ng badyet kung saan tanging yaong mahahalaga lamang sa operasyon ng mga barangay ang binibigyang prayoridad. (PIA Sorsogon)

Sorsogon City government targets power consumption reduction, strengthens Climate Change mitigation strategies

by Irma A. Guhit

SORSOGON CITY, AUGUST 2, (PIA) ....Heeding the urgent call of Climate Change Mitigation and Adaptation (CCAM) aside from addressing the issues on power rate increase and lessen power consumption, Mayor Leovic R. Dioneda in an interview this week said, "I am bent to implement certain strategic measures to lessen the effects of Climate Change and address the issue on power reduction and consumption".

Starting within the Sorsogon City Hall premises, solar energy powered lights replaced the old mercury bulbs with electric supply from the Sorsogon Electric Cooperative, installed 2 weeks ago, these solar powered bulbs now provides lighting to the national highway fronting the Sorsogon City Hall.

Mayor Dioneda this month issued a memorandum to city administrator, Ret. Gen. Ireneo Manaois, instructions to distribute the Light Emitting Diode (LED) to all barangays, a city government initiative to lessen power consumption, reduce power cost. and primarily as a strengthening  mitigation and adaptation strategy to lessen the effects of Climate Change.

All barangays within the city received 20 units of LED to replace the existing street light bulbs or florescent lamps used in their barangays.

According to mayor Dioneda, the research findings which were suggested by several students from the Sorsogon State College (SSC) using the LED as source for lighting proved to be one of the measures where power consumption can be reduced into half of the current power cost the city is paying.

He also said that by using the LED, Sorsogon City will be leading in the advocacy for a clean and safe environment.

"By replacing the existing florescent bulbs found out hazardous to human health because of its mercury content, Solar powered light will  be now seen in major thorough fares of our city lamp posts"." Installing the LED.will eventually reduce power cost ", he said.

"As a staunch advocate of CCAM, together with the city council , we have identified certain programs and measures  to be implemented that will reduce power consumption in the city hall and at the same time in the barangays through the use and installation of solar powered energy lighting facilities and now the installation of  LED units." Dioneda expressed.

Four barangays here have already started with clearing and preparation in replacing and installing this power reducing lighting facility according to Manaois.

"In fact, the people from barangay Talisay through Barangay Captain Dennis Valladolid have expressed satisfaction and positive reactions in the initiatives being implemented by the city government", Manaois  explained.

"The thrust of the city government is to make people aware of how as a community the City of Sorsogon can contribute in the reduction of carbon fossil fuel emission and at the same time reduce the power consumption here in our city and save funds. Savings can be used now for other needed programs specially health reforms and environmental conservation”, he said.

Climate Change Adaptation and Mitigation are now being strengthened by the city government by also scheduling power shut off in the offices on scheduled times according to Manaois.

"Eventually, Sorsogon City will be using these new technologies that are environmentally friendly and safe. This will also provide additional funds for the city government as power cost will be reduced", Mayor Dioneda finally expressed. (PIA-SORSOGON)

National Free Assessment Synchronized Competency Assessment ng TESDA simula na sa Lunes

Ni: Bennie A. Recebido

Sorsogon City, August 1 (PIA) – Patuloy pa rin ang Technical Education Skills and Development Authority (TESDA) sa pagbibigay tulong upang mapataas ang antas ng kalidad ng kasanayan ng mga nakapagtapos ng technical-vocational courses.

Kaugnay nito, magkakaroon ng national free assessment-synchronized competency assessment ang TESDA simula ika-walo ng Agosto hanggang sa ika-labingwalo ng Nobyembre ngayong taon.

Ayon kay TESDA Sorsogon Focal person Jason Olarte, layunin din nitong magkaroon ng pantay na oportunidad ang mga propesyunal at yaong mga nakapagtapos sa TESDA na makahanap ng magandang trabaho at mapagkakakitaan.

Sa regular na competency assessment ng TESDA, umaabot din sa limangdaang piso ang maaaring gastusin ng isang indibidwal na nais sumailalim dito, subalit sa espesyal na programang ito ng TESDA ay wala silang iintindihing bayad.

Aniya, dapat lamang na magsumite ang mga interesadong aplikante ng kanilang application form ngayong Biyernes, ika-lima ng Agosto, 2011.

Iba-iba din diumano ang mga iskedyul para sa iba’t-ibang mga kasanayan kung kaya’t hinikayat din niya ang mga interesadong indibidwal na agad na makipag-ugnayan at bumisita sa pinakamalapit na tanggapan ng TESDA sa kanilang lugar.

Sa Lunes, Agosto 8 hanggang Agosto 12 ay nakaiskedyul ang Horticulture NC II at Food Processing sa Bulusan National Vocational Technical School; sa Agosto 22-26 naman nakaiskedyul ang Automotive Servicing NC at Motorcycle/Small Engine Servicing NC II at sa Agosto 29 naman ang Driving NC II.

Magpapatuloy diumano ang nasabing libreng competency assessment ng iba-ibang mga kurso hanggang sa Nobyembre ngayong taon. (HBinaya/PIA Sorsogon)

Pamilya, malaki ang papel sa pagsugpo ng human trafficking

Ni: Bennie A. Recebido

Sorsogon City, August 1 (PIA) – Kaugnay ng pagdami ng bilang ng mga kaso ng human trafficking at iba pang uri ng exploitation sa bansa, muling ipinaalala ng Department of Labor and Employment (DOLE) ang mahalagang papel na ginagampanan ng pamilya at bawat magulang sa kanilang mga anak.

Ayon kay DOLE Sorsogon Provincial Head Imelda Romanillos sa pamilya kadalasang nakaugat ang karamihan sa mga kasong kinakaharap ng lipunan kung kaya’t dapat na sa pamilya magsisimula ang pagtutok sa character development at pangunahing pangangailangan ng mga kasapi nito.

Sa Sorsogon, higit pang pinaigting ng DOLE ang kanilang kampanya at adbokasiya laban sa human trafficking sa pamamagitan ng pagbibigay ng libreng mga pagsasanay at tulong pangkabuhayan sa mga bayang mataas ang potensyal ng kaso ng human trafficking.

Partikular na binigyang prayoridad ng DOLE Sorsogon ang mga lugar na may mga pantalan tulad ng Matnog, Pilar at Bulan na nagsisilbing daanan patungo sa iba’t-ibang panig ng bansa at maging sa labas ng Pilipinas.

Sa tala ng Provincial Social Welfare and Development Office Sorsogon pumapangalawa ang lalawigan ng Sorsogon sa may mataas na bilang ng mga kasong nasakote kaugnay ng human trafficking.

Malaking tulong din ang Visayan Forum na nakabase sa Matnog, Sorsogon upang mapigilan ang paglala pa ng kaso ng human trafficking sa lalawigan.

Samantala, nananatiling aktibo din ang 1343 Action Line, ang anti-human trafficking hotline na inilunsad noong March 15, 2011 ng Inter-Agency Council against Trafficking Advocacy and Communications Committee (IACAT-ADVOCOM) na pinamumunuan ng Commission of Filipinos Overseas (CFO). At simula nang mailunsad ito, libo-libong tawag na rin ang natatanggap nito mula sa iba’t-ibang panig ng bansa.

Maaaring ma-akses ang nasabing hotline hindi lamang sa Metro Manila kundi maging sa mga lalawigan din sa pamamagitan ng pag-dial ng area code na 02 at ang numerong 1343. (PIA Sorsogon)