DENR Bicol positibo sa magigin resulta kan Biodiversity Partnerships Project

SYUDAD NIN LEGAZPI, Pebrero 8 – Positibo an Department of Environment and Natural Resources (DENR) Bicol na dulong mapapakusog an inisyatiba sa biodiversity conservation kan gobyerno kasunod kan pagsasaro kan DENR saka Department of Tourism (DOT). An programa inaapud naBbiodiversity Partnerships Pproject (BPP)  na piglansar kan naka-aging Disyembre.

Sa paagi kan sarong kontrata o Memorandum of Agreement (MOA) sa tangan kan DENR buda DOT katakod kan National Convergence Initiative ni Presidente Aquino, ipapaseguro kan duwang ahensya na an mga bantog na mga ecotourism sites an mga buhay layas o wildlife digdi mapapangatamanan.

Nagtutubud si Regional Executive Director Gilbert Gonzales na dahilan ta kadakul na mga ecotourism sites sa bikol enot an rehiyon na makakakuang benepisyo sa siring na lakdang.

Saiyang sinabi na mapakusog an proteksyon sa Bulkan Mayon, sa Albay; sa mga Butanding sa Donsol, Sorsogon; mga danay na kadagatan sa Masbate; o kaya sa mga magagayon na isla kan Caramoan sa Camarines Sur.

Tinawan nin doon ni RED Gonzales na an pagpangataman kan mga biodiversity sites na nakaka-padagka nin mga turista lokalman o dayuhan, iyo an mataong dalan sa sustenableng turismo. (Ruby Mendones, DENR/RPAO/PIA Sorsogon)